جدید بھارت نیوز سروس
رانچی 23 دسمبر:مر کزی وزیر مملکت برائے اطلاعات و نشریات اور پارلیمانی امور کے وزیر، حکومت ہند، ڈاکٹر ایل مروگن آج 23 دسمبر 2024 کو دوپہر 2:20 بجے برسا منڈا ہوائی اڈے، رانچی، جھارکھنڈ پہنچے، جہاں ان کا خیرمقدم حکومت ہند کی وزارت اطلاعات و نشریات کے تحت آنے والے مختلف محکموں جیسے پریس انفارمیشن بیورو، سنٹرل کمیونیکیشن بیورو، دوردرشن، آل انڈیا ریڈیو نے کیا۔اس موقع پر میڈیا کے علاوہ ضلعی انتظامیہ کے پروٹوکول ڈیپارٹمنٹ کے افسران بھی موجود تھے۔ہوائی اڈے پر صحافیوں سے بات کرتے ہوئے، انہوں نے اپنے جھارکھنڈ دورے کے مقاصد پر تبادلہ خیال کیا اور بتایا کہ وہ خواہش مند ضلع بیداری پروگرام کے تحت پلامو ںجا رہے ہیں۔اس کے ساتھ صحافیوں کے سوالات کا جواب دیتے ہوئے انہوں نے تمل ناڈو کی موجودہ سیاسی صورتحال پر بھی اپنے خیالات کا اظہار کیا۔ اس کے بعد وہ بذریعہ سڑک ڈالٹن گنج روانہ ہوئے جہاں وہ آج شام 8 بجے پلامو (ڈالٹن گنج) کے سرکٹ ہاؤس میں عوامی نمائندوں کے ساتھ میٹنگ کریں گے۔24 اور 25 دسمبر کو ہونے والے پروگرام صرف ڈالٹن گنج میں منعقد ہوں گے۔
مر کزی وزیر مملکت برائے اطلاعات و نشریات رانچی پہونچے، پلاموں روانہ
