داووس میں ’قدرت کے ساتھ ہم آہنگ ترقی‘ کے موضوع پر نمائندگی
جدید بھارت نیوز سروس
رانچی، 16 جنوری :۔ جھارکھنڈ کی قیام کی 25 ویں سالگرہ کے موقع پر ریاست کی پہلی سرکاری نمائندگی عالمی اقتصادی فورم میں ایک اہم سنگ میل کے طور پر سامنے آئی ہے۔ چیف منسٹر ہمنت سورین کی قیادت میں داؤوس میں ریاست کا یہ نمائندہ وفد ریاست کے عالمی سطح پر مثبت امیج کے لیے ایک اہم قدم ہے۔
داؤوس میں جھارکھنڈ کی شرکت
سی ایم ہمنت سورین نے کہا کہ “قدرت کے ساتھ ہم آہنگ ترقی” کے اصولوں سے متاثر ہو کر جھارکھنڈ عالمی شراکت داروں کے ساتھ جڑنے کے لیے پرعزم ہے۔ سویٹزرلینڈ میں بھارت کے سفیر مریدول کمار نے چیف منسٹر کو عالمی اقتصادی فورم 2026 میں جھارکھنڈ کی شمولیت کے بارے میں بریف کیا۔
موضوع اور مقصد
داؤوس میں جھارکھنڈ کی نمائندگی کا موضوع “قدرت کے ساتھ ہم آہنگ ترقی” ہے، جو فورم کے مقصد یعنی پائیدار ترقی، لچک، اعتماد اور طویل مدتی اقتصادی تبدیلی کے اصولوں سے مکمل مطابقت رکھتا ہے۔ یہ شرکت نہ صرف ریاست کے قیام کی 25 ویں سالگرہ کی مناسبت سے اہم ہے بلکہ عالمی سطح پر جھارکھنڈ کے اقتصادی اور ماحولیاتی وژن کو اجاگر کرنے کا موقع بھی فراہم کرتی ہے۔
