دھمکیاں دینے والے مختلف گروہوں کے تین جرائم پیشہ گرفتار کیا گیا
جدید بھارت نیو زسروس
رانچی، 15 دسمبر:۔ جھارکھنڈ اے ٹی ایس ٹیم نے کارروائی کرتے ہوئے مختلف گروہوں سے تعلق رکھنے والے تین جرائم پیشہ افراد کو گرفتار کیا ہے ، یہ لوگ پتھر اور کوئلے کے تاجر کو دھمکیاں دے رہے تھے۔ اے ٹی ایس کے ایس پی رشبھ کمار جھا کو ملی اطلاع کی بنیاد پر اے ٹی ایس کی ٹیم نے چھاپہ مار کر بہار کے سیوان کے رہنے والے ابھے کمار مشرا، پتھوریا، رانچی کے رہنے والے عبدالکریم اور ہزاری باغ کے برکاگاؤں کے رہنے والے پرمود کمار ساو کو گرفتار کر لیا۔ ایس پی رشبھ جھا نے اتوار کو ایک پریس کانفرنس میں یہ جانکاری دی۔ ان ملزمان سے دو پستول، دو گولیاں اور چھ موبائل فون برآمد ہوئے ہیں۔ ان سب کے خلاف رام گڑھ اور ہزاری باغ سمیت ریاست کے دیگر اضلاع کے تھانوں میں کئی کیس درج ہیں۔
ابھے کمار مشرا نے رانچی میں پتھر کے ایک تاجر کو دھمکی دی تھی
دیوا گینگ کے رکن اویناش تیواری نے کرشر آپریٹر شیلیندر پرتاپ نارائن سنگھ عرف انوپ سنگھ سے 20 لاکھ روپے کی بھتہ طلب کی تھی، جو کہ بریاتو تھانہ علاقے کے ہریہر سنگھ روڈ کے رہنے والے تھے۔ اس معاملے میں جھارکھنڈ اے ٹی ایس کی ٹیم نے کارروائی کرتے ہوئے اس واقعہ میں ملوث ابھے کمار مشرا اور عبدالکریم کو گرفتار کر لیا۔
پانڈے گینگ کا جرائم پیشہ گرفتار
اے ٹی ایس کی ٹیم پانڈے گینگ کے سرگرم مجرموں کے خلاف مسلسل چھاپے مار رہی ہے۔ اس سلسلے میں، بھڈانی نگر کیس نمبر 223/24 کے بنیادی ملزم پرمود کمار ساؤ کو ہزاری باغ اور اے ٹی ایس ٹیم نے مشترکہ چھاپہ مار کر گرفتار کیا ہے۔ پرمود ساو ہزاری باغ کے برکاگاؤں تھانہ علاقے میں پیش آئے قتل اور فائرنگ کے واقعے کا مطلوب مجرم تھا۔
