اسمبلی انتخابات 2024 کی وجہ کر بین ریاستی سرحدوں کا معائنہ کیا گیا

دیوگھر 23 اکتوبر(راست) سنتھل پرگنہ کے کمشنر لال چند ڈڈیل نے آج 23.10.2024 کو ایک منصفانہ اور خوف سے پاک ماحول میں اسمبلی عام انتخابات کے کامیاب انعقاد کے لیے بین ریاستی سرحد کا معائنہ کیا۔اس دوران سنتھال پرگنہ کے آئی جی، ڈی آئی جی، ڈسٹرکٹ الیکشن آفیسر کم ڈپٹی کمشنر دیوگھروغیرہ موقع پر موجود تھے۔معائنہ کے دوران دیوگھر اور بانکا کو جوڑنے والی سرحد کا معائنہ کیا گیا اور سیکورٹی کے انتظامات کا جائزہ لیا گیا۔ بین ریاستی سرحدوں پر سخت چیکنگ کے علاوہ خصوصی چوکسی برقرار رکھنے کی بھی ہدایات دی گئیں۔ اس کے ساتھ ہی متعلقہ افسران اور پولیس اہلکاروں کو ہدایت کی گئی کہ وہ تفتیشی کام میں شفافیت کو برقرار رکھتے ہوئے قابل اعتراض اشیاء کی ضبطی کو یقینی بنائیں۔ اس کے علاوہ سرحدی علاقوں میں باہمی رابطوں سے خصوصی چھاپے مارنے کی بھی ہدایات دی گئیں۔