کہا- ڈی جی پی انوراگ گپتا کی تقرری صحیح ہے
جدید بھارت نیوز سروس
رانچی، 3 مئی:۔ جھارکھنڈ کے ڈی جی پی انوراگ گپتا کی ریٹائرمنٹ کے معاملے میں ریاست کی چیف سکریٹری الکا تیواری نے مرکزی وزارت داخلہ کو رپورٹ بھیجی ہے۔ اس رپورٹ میں ڈی جی پی انوراگ گپتا کی تقرری کو مناسب بتایا گیا ہے۔ اس حوالے سے رپورٹ میں کہا گیا ہے کہ ڈی جی پی انوراگ گپتا کی تقرری کابینہ میں لیے گئے فیصلے اور تشکیل شدہ کمیٹی کی سفارش پر کی گئی ہے۔ اس کے ساتھ ہی رپورٹ کے ذریعے مرکزی وزارت داخلہ کو پورے معاملے کی پوائنٹ وار جانکاری دی گئی ہے۔ رپورٹ میں بتایا گیا ہے کہ جھارکھنڈ کے ڈی جی پی کے عہدے پر انوراگ گپتا کی تقرری درست ہے۔ یہی وجہ ہے کہ انہیں 30 اپریل سے ریٹائر کرنے کا کوئی فیصلہ نہیں کیا گیا ہے۔ بتا دیں کہ ڈی جی پی معاملے میں مرکزی وزارت داخلہ کی طرف سے چیف سکریٹری کو خط بھیجا گیا تھا۔
