گھریلو صنعت، تعلیم اور ِگگ ورکروں کی فلاح و بہبود کے لیے نئے قوانین کا اطلاق
جدید بھارت نیوز سروس
رانچی، 26 اگست: جھارکھنڈ اسمبلی کے مانسون اجلاس کے تیسرے دن کی دوسری نشست میں پانچ اہم بلوں کو صوتی ووٹنگ سے منظور کیا گیا۔ ان میں جھارکھنڈ ریاستی یونیورسٹی بل 2025، فیس ریگولیشن بل، کوچنگ سینٹر ریگولیشن بل، MSME خصوصی رعایت بل اور گِگ ورکرز فلاحی بل شامل ہیں۔ تمام بلوں پر ترمیمی تجاویز آئیں، جو مسترد کر دی گئیں۔
گجرات ماڈل سے متاثر یونیورسٹی بل
بی جے پی رکن نوین جیسوال نے کہا کہ بل میں چانسلر کے اختیارات محدود کیے جا رہے ہیں۔ وزیر سدیو کمار سونو نے جواب دیا کہ گجرات میں 2014 سے چانسلر کو صرف وزیٹر کے طور پر نامزد کیا گیا ہے اور ماڈل کامیاب ہے۔ جے رام مہتو نے کہا کہ پرو وائس چانسلر کی ذمہ داری کسی تعلیمی ماہر کو دینی چاہیے، نہ کہ وزیر کو۔ وزیر نے وضاحت دی کہ یہ نظام کئی ریاستوں کے ماڈلز پر مبنی ہے۔ سینیٹ اجلاس سال میں دو کے بجائے چار مرتبہ کروانے کی تجویز بھی آئی، تاہم وزیر نے کہا کہ قانون میں کم از کم دو اجلاسوں کی گنجائش ہے۔
فیس ریگولیشن بل میں غلطیاں، مگر طلبہ مفادات کو تحفظ
بل پر بحث کے دوران پارلیمانی امور کے وزیر نے اس میں آرڈیننس ٹائپ کی غلطیوں کی نشاندہی کی۔ وزیر تعلیم نے وضاحت دی کہ فیس ریگولیشن کمیٹی کے سربراہ کی تقرری جھارکھنڈ ہائی کورٹ کے چیف جسٹس کی سفارش پر ہوگی۔راج سنہا نے مطالبہ کیا کہ تعلیمی سال سے پہلے فیس کا تعین ہو، مگر ان کی ترمیم مسترد ہوئی۔
کوچنگ سینٹر بل: طلبہ کی سلامتی، فیس اور سہولیات کا تحفظ
بی جے پی رکن نوین جیسوال نے کوچنگ سینٹروں میں فیس اور طلبہ کی جان کے تحفظ کا معاملہ اٹھایا، خاص طور پر بیسمنٹ میں کوچنگ پر اعتراض کیا۔وزیر نے کہا کہ جہاں ہزار سے زیادہ طلبہ ہوں، وہاں ماہر نفسیات کی تعیناتی لازم ہوگی۔ بل دیگر ریاستوں کے تجربات کی بنیاد پر تیار کیا گیا ہے۔
فیس کا تحفظ اور ٹریبونل کی نگرانی: فرینچائزی اور برانڈ دونوں ذمہ دار
وزیر نے کہا کہ نہ صرف فرنچائزی بلکہ فرنچائزر بھی قانون کے دائرے میں ہوں گے۔ ایک ٹریبونل ان کی نگرانی کرے گا۔بیسمنٹ میں کوچنگ پر SOP میں ترمیم کا وعدہ کیا گیا۔ سریو رائے نے تجویز دی کہ ہر بل کی قواعد و ضوابط کی کاپی اسمبلی میں رکھی جائے۔
ایم ایس ایم ای اور گِگ ورکرز کے لیے خصوصی اقدامات
محنت کے وزیر سنجے پرساد یادو نے MSME خصوصی رعایت اور گِگ ورکرز فلاحی بل ایوان میں پیش کیے، جو منظور ہو گئے۔راج سنہا نے کہا کہ غیر ضروری کاغذات کی وجہ سے MSME بند ہو رہے ہیں اور نوجوان حوصلہ ہار رہے ہیں۔ انہوں نے 30 دن میں لائسنس دینے اور سنگل ونڈو نظام کی تجویز دی۔
اصطلاحات پر اعتراض: ‘گِگ ورکر’ کے بجائے سادہ الفاظ استعمال کیے جائیں
سریو رائے نے کہا کہ ‘گِگ’ اور ‘پلیٹ فارم’ کی جگہ سادہ زبان استعمال کی جائے۔ وزیر نے وضاحت دی کہ دیگر ریاستوں میں بھی انہیں ‘گِگ ورکر ‘ ہی کہا جاتا ہے، اس لیے یہی اصطلاح برقرار رکھی گئی۔
