روزگار میلوں اور بھرتی کیمپوں کے کامیاب انعقاد کیلئے کئی ہدایات دیں
جدید بھارت نیوز سروس
رام گڑھ،4؍نومبر: ڈپٹی کمشنر فیض احمد ممتاز کے دفتر میں منگل کو ضلع رام گڑھ میں لیبر پلاننگ ٹریننگ اینڈ اسکل ڈیولپمنٹ ڈیپارٹمنٹ کی طرف سے کئے جا رہے کاموں کے حوالے سے ایک جائزہ میٹنگ کا انعقاد کیا گیا۔ لیبر سپرنٹنڈنٹ انیل کمار رنجن اور ڈسٹرکٹ پلاننگ آفیسر دھننجے کمار نے ڈپٹی کمشنر کو ان کے محکموں کے ذریعہ چلائی جارہی اسکیموں اور ترقیاتی کاموں کے بارے میں تفصیلی جانکاری فراہم کی۔ لیبر سپرنٹنڈنٹ نے جھارکھنڈ غیر منظم کارکنوں کی موت؍ حادثہ امدادی اسکیم، زچگی اور ڈیلیوری سہولت اسکیم، جنازہ امداد اسکیم، مکھیہ منتری غیر منظم ورکرز ٹول اسسٹنس اسکیم،میرج اسسٹنس اسکیم، کنسٹرکشن لیبر سیفٹی کٹ اسکیم سمیت دیگر اسکیموں کے تحت مستحقین کو فراہم کئے جارہے فوائد کے بارے میں تفصیلی جانکاری دی گئی۔ اس میٹنگ کے دوران ڈپٹی کمشنر نےا سکیموں کی تشہیر اور ان سے مستفید ہونے کے لئے اہل مستحقین کی نشاندہی کرنے کی ہدایت کی۔ ڈپٹی کمشنر نے آنے والے سرکار آپ کے دوار پروگروام کے دوران کارکنوں کی رجسٹریشن کو یقینی بنانے کے لیے منصوبہ بند طریقے سے کام کرنے کی ہدایت کی۔ضلع رام گڑھ میں رجسٹرڈ بے روزگار نوجوانوں کے بارے میں ڈپٹی کمشنر کو جانکاری دیتے ہوئے ضلع پلاننگ آفیسر دھننجے کمار نے بتایا کہ اب تک ضلع میں 10400 بے روزگار نوجوانوں کو رجسٹر کیا جاچکا ہے اور ان کے لیے وقتاً فوقتاً روزگار میلے اور بھرتی کیمپ منعقد کیے جاتے ہیں۔ مالی سال 2025-26 میں کل تین روزگار میلوں کا انعقاد کیا جائے گا اور 12 بھرتی کیمپ منعقد کیے جائیں گے۔ مالی سال 2025-26 میں کل تین روزگار میلوں کا انعقاد کیا جائے گا اور 12 بھرتی کیمپوں کا انعقاد کیا جائے گا۔ انہوں نے یہ بھی بتایا کہ ڈسٹرکٹ پلاننگ آفس کی جانب سے نوجوانوں کے لیے کیریئر کونسلنگ پروگرام بھی منعقد کیے جاتے ہیں۔ اجلاس میں ڈپٹی کمشنر نے روزگار میلوں اور بھرتی کیمپوں کے کامیاب انعقاد کے لیے کئی اہم ہدایات دیں۔
