نوجوانوں کو منشیات سے دور رکھنا ہی مہم کا مقصد: ڈی سی
جدید بھارت نیوز سروس
چترا ،10؍اکتوبر: قومی تمباکو کنٹرول پروگرام کے تحت 60 روزہ “تمباکو سے پاک نوجوان مہم 0.3” کا افتتاح ڈی سی کریتی شری جی نے کلکٹریٹ اسمبلی ہال میں شمع روشن کر کیا۔ اس موقع پر کلکٹریٹ کے احاطے میں دستخطی مہم کی گاڑی کو جھنڈی دکھا کر بیداری پروگرام کا باقاعدہ آغاز کیا گیا۔پروگرام کے دوران موجود تمام عہدیداروں اور ملازمین نے عہد لیا کہ وہ تمباکو کے استعمال سے پرہیز کریں گے، اپنے دفتر کے احاطے کو تمباکو سے پاک رکھیں گے اور اپنے دوستوں اور جاننے والوں میں تمباکو کے مضر اثرات کے بارے میں شعور بیدار کریں گے۔اس موقع پر ڈی سی نے کہا کہ معاشرے کو تمباکو کے مضر اثرات سے بچانے کے لیے عوامی تحریک کی ضرورت ہے۔ ہر گھر کو تمباکو سے پاک بنانے کے لیے ایک جامع عوامی آگاہی مہم چلائی جائے گی۔ اس مہم کا بنیادی مقصد نوجوانوں کو نشے سے دور رکھنا ہے۔انہوں نے ہدایت کی کہ تمام تعلیمی اداروں کو تمباکو سے پاک قرار دیا جائے اور سیکشن 6(b) کے تحت 100 میٹر کے دائرے میں کسی بھی تمباکو کی مصنوعات کی فروخت پر مکمل پابندی کو سختی سے نافذ کیا جائے۔ تمباکو سے پاک تعلیمی اداروں کو یقینی بنانے کے لیے محکمہ تعلیم کے اساتذہ کو خصوصی تربیت بھی دی جائے گی۔مہم کا مقصد 9 اکتوبر سے 7 دسمبر تک ضلع کے تقریباً 400 اسکولوں اور کالجوں کو تمباکو سے پاک قرار دینا ہے۔ ساتھ ہی پولس محکمہ کے تعان سے خصوصی چھاپہ ماری مہم چلا کر قانونی دفعات کی تعمیل کو یقینی بنایا جا سکے۔عوامی بیداری میں اضافے کے لیے ٹاک شوز، دستخطی مہم، مارننگ واک، وال پینٹنگ وغیرہ جیسے پروگرام منعقد کیے جائیں گے جن میں عہدیداروں، ڈاکٹروں، کھلاڑیوں، مشہور شخصیات اور مقامی عوامی نمائندوں کی شرکت ہوگی۔ اس کے علاوہ کم از کم 30 دیہاتوں کو تمباکو سے پاک قرار دینے کی کوشش کی جائے گی۔ سوشل میڈیا پلیٹ فارمز کے ذریعے عوامی شرکت کو فروغ دینے کے منصوبے بھی ہیں تاکہ پیغام زیادہ سے زیادہ لوگوں تک پہنچ سکے۔اس موقع پر اے سی اروند کمار، سول سرجن ڈاکٹر جگدیش پرساد، سمریا انچارج ڈاکٹر بی این پرساد، ضلعی مشیر رشمی دوبے، سنگیتا، لوسی بالاایکا، ضلع پروگرام منیجر محکمہ صحت، محکمہ صحت کا عملہ اور ڈی سی آفس کے افسران و عملہ موجود تھے۔
