تحفظ کے لیے بیداری ضروری ہے
جدید بھارت نیوز سروس
جمشیدپور ،18؍اگست: ضلع کے لوگوں کو آسمانی بجلی سے بچاؤ کے بارے میں بیدار کرنے کے لیے ڈی سی کرن ستیارتھی نے کلکٹریٹ کے احاطے سے بجلی کے تحفظ کے رتھ کو جھنڈی دکھا کر روانہ کیا۔ اس رتھ کے ذریعے دیہی اور شہری علاقوں کے لوگوں کو آسمانی بجلی گرنے کے دوران اپنانے والی احتیاطی تدابیر کے بارے میں آگاہ کیا جائے گا۔ ڈی سی نے کہا کہ قدرتی آفات سے بچاؤ کے لیے آگاہی سب سے بڑا اقدام ہے۔ اس اقدام کا مقصد زیادہ سے زیادہ لوگوں تک آسمانی بجلی سے تحفظ سے متعلق پیغام پہنچانا ہے، تاکہ جانی نقصان کے امکانات کو کم کیا جا سکے۔
آسمانی بجلی گرنے کے دوران اہم احتیاطی تدابیر:
طوفان یا بارش کے دوران کھلے میدانوں، اونچے درختوں یا بجلی کے کھمبوں کے نیچے کھڑے نہ ہوں۔
موبائل فون یا دیگر الیکٹرانک آلات استعمال نہ کریں۔
کھیتوں میں کام کرنے والے کسان فوری طور پر محفوظ مقام پر چلے جائیں۔
گھر میں رہتے ہوئے بجلی کے آلات، ٹی وی، فریج وغیرہ بند کر دیں۔
اگر آپ اچانک کسی کھلی جگہ میں پھنس جائیں تو اپنے دونوں کان بند کر لیں اور جھک کر بیٹھیں، لیٹ نہ جائیں۔
اگر آپ سڑک پر ہیں تو فوراً کسی عمارت کے اندر پناہ لیں۔ گرج کی آواز سننے کے بعد، کم از کم 30 منٹ تک محفوظ جگہ پر رہیں۔
