جدید بھارت نیوز سروس
جمشیدپور، 16 فروری:۔ سرائے کیلا کھرساواں کے چیف ڈسٹرکٹ اینڈ سیشن جج کم ڈی ایل ایس اے کے چیئرمین راماشنکر سنگھ کی رہنمائی میں چانڈل بلاک آڈیٹوریم میں ‘ودھان سے مدد ‘ کے نام سے ایک پروگرام کا انعقاد کیا گیا۔ جس میں خواتین کے تحفظ کے لیے بنائے گئے قوانین اور اسکیموں کے بارے میں معلومات فراہم کی گئیں۔ تقریب سے چانڈل بی ڈی او تلیشور روی داس، ڈی ایل ایس اے پینل ایڈوکیٹ امبیکا چرن پانی، مرو سوانسی نے خطاب کیا۔ مقررین نے کہا کہ ضلع کے تمام 9 بلاک میں خواتین کو بااختیار بنانے سے متعلق مسائل پر ورکشاپس کا انعقاد کیا جا رہا ہے۔ مقررین نے کہا کہ 31 مارچ تک ضلع کے تمام بلاک میں خواتین کے لیے قانونی آگاہی پروگرام منعقد کیے جائیں گے۔ اس موقع پر پی ایل وی بھوپین چندر مہتو، کارتک گوپ، رامجان انصاری، نیہا کماری، وندنا مہتو، ارون مہتو، ایشیتا اوراون، گنگا ساگر پال، راجکمار مہتو، شبنم خاتون، لکشمی سنگھ، دگمبر مہتو، نرمل گھوش سمیت خواتین کی بڑی تعداد موجود تھی۔
ڈالسا نے خواتین کو قانون کے بارے میں معلومات دیں
