سرائے کیلا میں پرامن انتخابات کے انعقاد پر تبادلہ خیال کیا
جدید بھارت نیوز سروس
جمشیدپور، 11 نومبر:۔ سوموار کی صبح ڈپٹی انسپکٹر جنرل آف پولیس (کولہان) نے اسمبلی انتخابات 2024 کی تیاریوں کے سلسلے میں سپرنٹنڈنٹ آف پولیس آفس سرائے کیلا کے آڈیٹوریم روم میں ایک میٹنگ کی۔ جس میں انتخابی ضابطہ اخلاق کے دوران الیکشن کمیشن آف انڈیا کی طرف سے جاری کردہ ہدایات کی تعمیل کے حوالے سے بات چیت کی گئی۔ میٹنگ میں ڈپٹی انسپکٹر جنرل آف پولیس سی آر پی ایف، سپرنٹنڈنٹ آف پولیس سرائے کیلا کھرسوان اور کمانڈنٹ (157 بٹالین) سی آر پی ایف موجود تھے۔ اس سلسلے میں انتخابات کے لیے حفاظتی انتظامات کی تیاری کی تازہ ترین صورتحال پر تبادلہ خیال کیا گیا اور ضروری ہدایات دی گئیں۔ پولیس سپرنٹنڈنٹ سرائے کیلا کھرساواں نے کہا کہ ضلع کے تینوں اسمبلی حلقوں میں ضلعی فورس کے ساتھ سنٹرل ریزرو پولس فورس کی کافی تعداد کو تعینات کیا گیا ہے۔ ضلعی پولیس پرامن اور بدعنوانی سے پاک انتخابات کے انعقاد کے لیے پرعزم ہے۔
