رادھاکرشن کشور بنے چیئرمین
جدید بھارت نیوز سروس
مغربی سنگھ بھوم ،30؍ستمبر: ریاستی حکومت نے وزیر خزانہ رادھا کرشنا کشور کی سربراہی میں وزراء کا ایک پانچ رکنی گروپ آف منسٹر کی تشکیل دی ہے۔ جس میں مغربی سنگھ بھوم میں سارنڈا کے 19.575 مربع کلومیٹر جنگلاتی علاقے کو معیاری جنگلی حیات کی پناہ گاہ کے طور پر نوٹیفائی کرنے کے معاملے پر بات چیت کی جائے گی۔ لینڈ ریونیو کے وزیر دیپک بیروا، وزیر بہبود چمرا لنڈا، وزیر صنعت سنجے پرساد یادو، اور دیہی ترقی کے وزیر دیپیکا سنگھ پانڈے اس کے رکن ہیں۔ اس سلسلے میں کابینہ کوآرڈینیشن ڈیپارٹمنٹ نے آج نوٹیفکیشن جاری کیا۔راضح ہو کہ 24 ستمبر کو کابینہ کے اجلاس میں وزراء کے گروپ کی تشکیل پر اتفاق کیا گیا تھا۔ نوٹیفکیشن میں کہا گیا ہے کہ سپریم کورٹ کے حکم کی روشنی میں تحفظ اور ترقی کے لیے متوازن نقطہ نظر اپناتے ہوئے، سارنڈا جنگل کے علاقے کو ماحولیاتی نقطہ نظر سے بچانے اور اس علاقے میں رہنے والی قبائلی برادریوں کی سماجی، اقتصادی اور ثقافتی زندگی اور روایتی روایات کو محفوظ رکھنے کے لیےوزراء کا گروپ سائٹ کا دورہ کرے گا۔ تمام پہلوؤں پر غور کرنے کے بعد وزراء کا گروپ اپنی سفارشات کابینہ کو پیش کرے گا۔ جنگلات، ماحولیات، درج فہرست قبائل، اقلیتیں اور پسماندہ طبقات کے محکمے کمیٹی کی مدد کریں گے۔ سائٹ کے دورے کے دوران، متعلقہ علاقے کے ڈی سی اور ایس پی رہائش، خوراک، نقل و حمل اور سیکورٹی کے لیے ضروری انتظامات کریں گے۔
