غلام احمد میر کی قیادت میں کانگریسی لیڈران نےملیکارجن کھڑگے سے ملاقات کی

رانچی، 15 جنوری:ریاستی کانگریس کے انچارج غلام احمد میر کی قیادت میں، ریاستی کانگریس صدر کیشو مہتو کملیش، آل انڈیا کانگریس کمیٹی کے سکریٹری اور جھارکھنڈ کے انچارج سری بیلا پرساد، پرنب جھا، جھارکھنڈ کانگریس لیجسلیچر پارٹی کے لیڈر پردیپ یادو، ڈپٹی لیڈر راجیش کچھپ اور جھارکھنڈ کانگریس کے میڈیا چیئرمین ستیش پال مزنی، ریاض انصاری نے آل انڈیا کانگریس کمیٹی کے صدر ملیکارجن کھڑگے سے ملاقات کی اور انہیں کانگریس کے نئے ہیڈکوارٹر کے افتتاح پر مبارکباد دی۔ میٹنگ کے دوران، غلام احمد میر نے ملکارجن کھڑگے کو جھارکھنڈ میں گرینڈ الائنس حکومت کی طرف سے میّاں سمان یوجنا کے تحت 2500 روپے دے کر جھارکھنڈ کے لوگوں کو دی گئی ضمانت کو پورا کرنے کے بارے میں بتایا۔”جئے باپو”، “جئے بھیم”، “جئے آئین” کے تحت چلائی جا رہی امبیڈکر سمان یاترا کے بارے میں بھی بتایا جو کئی اضلاع میں مکمل ہو چکی ہے اور یہ پروگرام بلاک سطح پر چلایا جا رہا ہے۔