وزیر اعلیٰ ہیمنت سورین کے غم میں شامل ہوئے
جدید بھارت نیوز سروس
رام گڑھ، 11 اگست:َ بھیم آرمی کے سربراہ چندر شیکھر آزاد نے جھارکھنڈ کے عظیم عوامی رہنما ’دیشوم گرو‘ شری شِبو سورین کے انتقال پر گہرے رنج و غم کا اظہار کیا۔ وہ ان کے فرزند اور ریاست کے وزیر اعلیٰ ہیمنت سورین سے اظہارِ تعزیت کے لیے ان کے آبائی گاؤں نِیمرہ پہنچے۔اپنے ٹوئٹ میں چندر شیکھر آزاد نے لکھا:’شری شِبو سورین جی نے سیاست کو کبھی اقتدار کا ذریعہ نہیں، بلکہ اپنے لوگوں کے حقوق کی لڑائی کا ہتھیار سمجھا۔ ان کی وراثت ہر انصاف پسند انسان کو جدوجہد کی ترغیب دیتی رہے گی‘۔انہوں نے مزید کہا:’شِبو جی جھارکھنڈ کے پہلے بڑے لیڈر تھے جنہوں نے کھلے عام کہا:‘زمین، جنگل اور پانی ہماری شناخت ہے، اسے چھیننے والوں سے کوئی سمجھوتہ نہیں ہوگا۔چندر شیکھر آزاد نے اس نظریے کو ہی شِبو سورین کو ’دیشوم گرو‘ بنانے والا عنصر قرار دیا اور ان کی جدوجہد کو خراجِ عقیدت پیش کرتے ہوئے کہا:”ایسے عوامی رہنما کو میری پُرخلوص خراجِ عقیدت!‘
