وزیر اعلیٰ کو ہائی کورٹ کی جانب سے ذاتی حاضری کی چھوٹ ختم
جدید بھارت نیوز سروس
رانچی، 25 نومبر:۔ ہائی کورٹ نے MP/MLA کیس نمبر 02/2024 میں وزیراعلیٰ ہیمانت سورین کو عدالت میں ذاتی طور پر حاضر ہونے سے دی گئی چھوٹ ختم کر دی ہے۔ یہ حکم جسٹس انل کمار چودھری نے CRMP 3316/2024 کی سماعت کے دوران جاری کیا۔انفورسمنٹ ڈائریکٹوریٹ (ED) نے نوٹس جاری کیا تھا، جس کے مطابق اس نوٹس کی تعمیل نہ کرنا IPC کی دفعہ 174 کے تحت جرم ہے۔ ہیمانت سورین نے ED کی اس درخواست کے خلاف CRMP 3316/2024 دائر کی تھی۔ عدالت نے 4-12-2024 کو سماعت کے دوران انہیں عارضی ریلیف دیتے ہوئے ٹریل کورٹ میں ذاتی حاضری سے چھوٹ دی تھی۔آج کیس جسٹس انل کمار چودھری کی عدالت میں پیش کیا گیا۔ سماعت کے دوران ہیمانت سورین کی جانب سے درخواست کی گئی کہ سماعت کو ملتوی کیا جائے۔ عدالت نے درخواست کو منظور کرتے ہوئے سماعت ملتوی کر دی، لیکن ٹریل میں ذاتی حاضری سے چھوٹ ختم کر دی گئی۔
