اتم یادو کی قیادت میں ہزاروں لوگوں نے تھاما پارٹی کا دامن
جدید بھارت نیوز سروس
رانچی،18؍جنوری: رانچی کے کشور گنج میں واقع اسکاٹ انٹرنیشنل پبلک اسکول میں جھارکھنڈ مکتی مورچہ (JMM) کی رکنیت سازی کی تقریب منعقد ہوئی۔ جے ایم ایم کے مرکزی صدر و وزیر اعلیٰ ہیمنت سورین کی قیادت پر اعتماد کا اظہار کرتے ہوئے، اس تقریب میں پارٹی کے مرکزی جنرل سکریٹری و ترجمان ونود کمار پانڈے کے سامنے رانچی کے سماجی کارکن اتم یادو کی قیادت میں ہزاروں لوگوں نے پارٹی کی رکنیت اختیار کی۔ پارٹی کے جنرل سکریٹری ونود کمار پانڈے نے رکنیت لینے والوں کو پارٹی کا روایتی پٹہ پہنا کر رکنیت دلائی اور پارٹی میں ان کا خیر مقدم کیا۔اس موقع پر ونود کمار پانڈے نے اپنے خطاب میں رکنیت لینے والوں کو پارٹی کے پالیسی اصولوں سے واقف کرایا اور تنظیم کو مضبوط بنانے کے لیے رہنمائی کی۔ ساتھ ہی ریاست کی مقبول ہیمنت حکومت کی جانب سے چلائی جا رہی عوامی فلاحی اسکیموں کا فائدہ لوگوں تک پہنچانے اور ریاست کی ترقی میں اپنا اہم تعاون دینے کا عہد دلایا۔اس موقع پر جے ایم ایم رانچی ضلع سے مرکزی رکن و میٹروپولیٹن کنوینر انتو تِرکی، ڈاکٹر ہیم لال مہتا، اشونی شرما، پون جڈیا، ضلع کنوینر بیرو تِرکی، میٹروپولیٹن کنوینر پردیپ مردھا، ارون ورما، رتیش دویدی، آشوتوش ورما، انکیتا ورما، کل دیپک کمار، ڈاکٹر تالکیشور، سنیل ساہو، راکیش ورما، وارڈ 27 کے صدر سنیل چورسیا، سکریٹری موہن گوسوامی، وارڈ 28 کے صدر کنہیا جیسوال، سکریٹری ساحل ورما، وارڈ 29 سے انوراگ تِرکی، سکریٹری سندیپ ٹھاکر اور دیگر کارکنان موجود تھے۔رکنیت لینے والوں میں بنیادی طور پر اتم یادو، شیلیش نند تیواری، نتیش ورما، رنجن ماتھر، امیش ساہو، لالونتی دیوی، چھایا رانی، بنٹی ساؤ، روہت یادو، آریان مہتا، نکھل کمار گپتا، سونو گپتا، بیریندر گوپ، شبھم وشوکرما، دیپو شریواستو، آکاش کچھپ، راہل کچھپ، ساون لنڈا، آنند تِرکی، سنجے تیواری، راجو گوپ اور دیگر ہزاروں افراد شامل تھے۔
