تمام اضلاع کو ہدایت جاری
جدید بھارت نیوز سروس
رانچی، 3 اگست:۔ وزیراعلیٰ کی ’میاں سمان یوجنا‘ کے تحت خواتین کو رکشا بندھن سے پہلے جولائی ماہ کی رقم دیے جانے کی تیاری کی جا رہی ہے۔ اس حوالے سے سوشل سیکیورٹی ڈائریکٹوریٹ نے تمام اضلاع کو ہدایات جاری کر دی ہیں۔جمعہ کے روز ڈائریکٹوریٹ کی جانب سے جاری کردہ خط میں کہا گیا ہے کہ جولائی کی رقم کا تقسیم جلد مکمل کیا جائے اور فائدہ اٹھانے والی خواتین کے بینک کھاتوں میں رقم بھیجی جائے۔ واضح رہے کہ اس اسکیم کا آغاز گزشتہ سال اگست میں کیا گیا تھا، اور اب اس ماہ میں اسکیم کو ایک سال مکمل ہو جائے گا۔اس اسکیم کے تحت ریاست کی تقریباً 52 لاکھ خواتین کو ہر ماہ 2500 روپے دیے جا رہے ہیں۔ شروع میں یہ رقم 1000 روپے ماہانہ تھی، جسے دسمبر 2024 سے بڑھا کر 2500 روپے کر دیا گیا۔ اس اسکیم کے تحت 18 سے 50 سال کی عمر کی خواتین کو سالانہ 30,000 روپے کی مالی مدد دی جاتی ہے۔اب تک جون ماہ کی رقم مستفید خواتین کو دی جا چکی ہے۔ جمعہ کے دن رانچی ضلع کی 3,85,751 خواتین کو کل 96.43 کروڑ روپے کی ادائیگی کی گئی۔ رانچی کے ڈپٹی کمشنر، منجوناتھ بھجنٹری نے بتایا کہ جن خواتین کے بینک کھاتے آدھار سے لنک نہیں ہیں، انہیں اسکیم کا فائدہ نہیں ملے گا۔ انہوں نے تمام مستفید خواتین سے اپیل کی ہے کہ وہ جلد از جلد اپنے بینک کھاتوں کو آدھار سے لنک کروائیں۔
