جھارکھنڈ ہائی کورٹ کی ریاستی حکومت کو ہدایات
جدید بھارت نیوز سروس
رانچی، 3 اکتوبر:۔ جھارکھنڈ کے مختلف اضلاع میں اسکولی بچوں سمیت خواتین اور نابالغ لڑکیوں کے خلاف بڑھتے ہوئے جرائم کو روکنے کے لیے دائر ایک PIL پر جھارکھنڈ ہائی کورٹ میں سماعت ہوئی۔ جمعرات کی سماعت کے دوران، عدالت نے ریاستی حکومت کو سی سی ٹی وی کیمروں کے ساتھ اہم مقامات کی نگرانی کرنے، مقامی ٹی وی چینل اور اخبارات میں اشتہارات کے ذریعے خواتین کی ہنگامی مدد کے لیے ہیلپ لائن نمبر کی تشہیر کرنے اور تمام جگہوں پر معلومات پھیلانے کی ہدایت دی ہے۔ درگا پوجا کے بارے میں، عدالت نے حکومت کو پوجا پنڈال کے ارد گرد اضافی خواتین سیکورٹی فورس تعینات کرنے اور گلابی بسوں کے کام کے اوقات میں توسیع کرنے کی ہدایت کی ہے۔ اب ہائی کورٹ اس پی آئی ایل پر 18 نومبر کو سماعت کرے گی۔ ہائی کورٹ کی خاتون ایڈوکیٹ بھارتی کوشل نے اس سلسلے میں ایک PIL دائر کی ہے۔ ریاستی حکومت کی جانب سے وکیل گورو کمار نے کیس پیش کیا۔ ہائی کورٹ کے چیف جسٹس اور جسٹس دیپک روشن کی ڈویژن بنچ اس کیس کی سماعت کر رہی ہے۔
