میچ کا افتتاح مدھو پور سے وزیر وگرینڈ الائنس جے ایم ایم کے امیدوار حفیظ الحسن انصاری نے کیا
مدھوپور، ۴؍نومبر: مددھوپور اسمبلی حلقہ کے تحت رام پور میں یوتھ اسپورٹس کلب فٹ بال ٹورنامنٹ کا افتتاح وزیر وگرینڈ الائنس جے ایم ایم امیدوار مدھوپور حفیظ الحسن انصاری نے کیا۔ پروگرام کا آغاز فٹبال کو کک لگا کر کیا گیا، مہمان خصوصی شری انصاری نے کھلاڑیوں اور حاضرین سے خطاب کرتے ہوئے کہا کہ ہمیں کھیلوں کے تئیںدلچسپی لیتے رہنا چاہیے، پڑھائی اور دوسرے کاموں کے ساتھ ساتھ کھیلوں کی اہمیت بھی بہت زیادہ ہے۔ کھیلوں کو بھی اب روزمرہ کے معمولات میں بھی شامل کرنا ہوگا، تب ہی ہماری جسمانی نشوونما کے ساتھ دماغی نشوونما بھی ممکن ہے۔ موقع پر ایک پروگرام کا انعقاد کیا گیا جس میں درجنوں کھلاڑی دیہی تماشائی موجود تھے۔
