منور رانا کے جنازہ کو جاوید اختر نے دیا کندھا، شاعر کے انتقال پر پی ایم مودی کا اظہارِ غم

مشہور و معروف شاعر منور رانا کا گزشتہ روز دل کا دورہ پڑنے سے انتقال ہو گیا تھا اور آج ان کی آخری رسومات بھی ادا کر دی گئیں۔ ان کے جنازہ کو مشہور شاعر و نغمہ نگار جاوید اختر نے کندھا دیا اور منور رانا کے انتقال کو اردو شاعری کے لیے ایک بڑا خسارہ قرار دیا۔ منور رانا کا آخری دیدار کرنے جاوید اختر پیر کے روز لکھنؤ پہنچے تھے جہاں جسد خاکی کو قبرستان لے جاتے وقت انھوں نے کندھا دیا۔

मुनव्वर राणा को जावेद अख्तर ने दिया कंधा

◆ शायर का दिल का दौरा पड़ने की वजह से रविवार देर रात निधन#MunawwarRana | #javedakhtar | Munawwar Rana pic.twitter.com/GczrZbTgAe

— News24 (@news24tvchannel) January 15, 2024

اس موقع پر جاوید اختر نے کہا کہ ’’یہ شاعری اور اردو کا ایک بڑا نقصان ہے۔ مجھے اس کا بے حد افسوس ہے۔ یہ نسل ایک ایک کر کے جا رہی ہے اور اس کا ازالہ نہیں ہو پائے گا۔ ان کی کمی ہمیشہ محسوس ہوگی۔ ان کی شاعری قابل ترغیب ہے، ان کے لکھنے کا اپنا انداز تھا۔ اچھی شاعری کرنا مشکل ہے، لیکن اس سے بھی زیادہ مشکل ہے اپنی شاعری کرنا۔‘‘

Pained by the passing away of Shri Munawwar Rana Ji. He made rich contributions to Urdu literature and poetry. Condolences to his family and admirers. May his soul rest in peace.

— Narendra Modi (@narendramodi) January 15, 2024

قابل ذکر ہے کہ منور رانا کے انتقال پر کئی بڑی سماجی و سیاسی ہستیوں نے اظہارِ افسوس ظاہر کیا ہے۔ وزیر اعظم نریندر مودی نے بھی سوشل میڈیا پر ایک پوسٹ کر مشہور شاعر کے انتقال پر اظہارِ تعزیت کیا۔ انھوں نے ’ایکس‘ پر کیے گئے پوسٹ میں لکھا ہے کہ ’’منور رانا کے انتقال سے تکلیف ہوئی۔ انھوں نے اردو ادب اور شاعری میں بہت اہم تعاون کیا۔ ان کے کنبہ اور چاہنے والوں کے تئیں میری ہمدردی۔ ان کی روح کو سکون ملے۔‘‘

तो अब इस गांव से
रिश्ता हमारा खत्म होता है
फिर आंखें खोल ली जाएं कि
सपना खत्म होता है।

देश के जानेमाने शायर मुन्नवर राना जी का निधन अत्यंत हृदय विदारक।

दिवंगत आत्मा की शांति की कामना।

भावभीनी श्रद्धांजलि। pic.twitter.com/BDDbojdYNh

— Akhilesh Yadav (@yadavakhilesh) January 14, 2024

سماجوادی پارٹی کے سربراہ اور اتر پردیش کے سابق وزیر اعلیٰ اکھلیش یادو نے بھی منور رانا کے انتقال پر اپنا غم ظاہر کیا۔ وہ مرحوم شاعر کو خراج عقیدت پیش کرنے ان کی رہائش پر بھی پہنچے۔ اس موقع پر اکھلیش یادو نے کہا کہ ’’منور رانا ملک کے بڑے شاعر تھے۔ ایسے شاعر بہت کم ہوتے ہیں جو کئی مواقع پر بہت واضح رائے ظاہر کرتے ہیں۔ میں دعا کروں گا کہ بھگوان ان کے کنبہ کو یہ غم برداشت کرنے کی ہمت دیں۔‘‘ اس سے قبل اکھلیش یادو نے سوشل میڈیا پر ایک پوسٹ بھی کیا تھا جس میں انھوں نے لکھا تھا ’’تو اب اس گاؤں سے رشتہ ہمارا ختم ہوتا ہے/پھر آنکھیں کھول لی جائیں کہ سپنا ختم ہوتا ہے۔ ملک کے مشہور و معروف شاعر منور رانا کا انتقال انتہائی تکلیف دہ ہے۔ میں ان کی روح کے سکون کے لیے دعا کرتا ہوں۔ پرخلوص خراج عقیدت۔‘‘