ترکی یوکرین پر امن مذاکرات کی میزبانی کے لیے تیار: فیدان

انقرہ، 18 فروری (یو این آئی) ترکی کے وزیر خارجہ ہکان فیدان نے میونخ سیکورٹی کانفرنس کے موقع پر امریکی صدارتی ایلچی کیتھ کیلوگ اور امریکی وزیر خارجہ مارکو روبیو کو بتایا کہ ان کا ملک یوکرین پر امن مذاکرات کی میزبانی کے لیے تیار ہے۔ ترکی کے ڈیلی اخبار نے منگل کو رپورٹ کیا کہ مسٹر فیدان نے یوکرین کے صدر ولادیمیر زیلنسکی کے چیف آف اسٹاف آندری یرماک اور وزیر دفاع رستم عمروف سے بھی ملاقات کی۔ انہوں نے وزراء کو بتایا کہ ترکی امن عمل کا حصہ بننا چاہتا ہے۔قابل ذکر ہے کہ گزشتہ ہفتے روسی صدر ولادیمیر پوتن اور امریکی صدر ڈونلڈ ٹرمپ کے درمیان تقریباً ڈیڑھ گھنٹے تک فون پر بات چیت ہوئی تھی۔ اس دوران انہوں نے روسی اور امریکی شہریوں کے تبادلے کے علاوہ یوکرین کے تنازع کے حل سے متعلق امور پر تبادلہ خیال کیا۔ یہ بات چیت منگل کو سعودی دارالحکومت ریاض میں سینئر روسی اور امریکی حکام کے درمیان آمنے سامنے ہونے والی بات چیت کے بعد ہوئی۔