ہندوستانی وزیرخارجہ کی ایس سی او سمٹ کی صدارت پر پاکستان کو مبارک باد

اسلام آباد، 16 اکتوبر (یو این آئی) ہندوستانی وزیر خارجہ ایس جے شنکر کی ایس سی او سمٹ کی صدارت پر پاکستان کو مبارک باد دیتے ہوئے کہا اگردوستی میں کمی اور اچھی ہمسائیگی کہیں ناپید ہے تو وجوہات اور اسباب پر غور کرنے کی ضرورت ہے۔تفصیلات کے مطابق ہندوستانی وزیرخارجہ ایس جے شنکر نے ایس سی او سربراہی اجلاس سے خطاب کرتے ہوئے کہا کہ ایس سی اوسربراہان کونسل کی صدارت پرپاکستان کو مبارک باد دیتا ہوں، دو بڑے تنازعات چل رہے ہیں، ہر ایک کے اپنے عالمی اثرات ہیں۔ہندوستانی وزیر خارجہ کا کہنا تھا کہ کورونا نے ترقی پذیر ممالک میں بہت سے لوگوں کوبری طرح تباہ کردیا، ایس سی اوکو ان چیلنجوں کا جواب دینا چاہیے۔ انھوں نے کہا کہ ایس سی او کا چارٹرواضح تھا کہ دہشت گردی، علیحدگی پسندی اورانتہا پسندی کا مقابلہ کیا جائے اور ہماری کوششیں تب ہی آگے بڑھیں گی جب چارٹرسے ہماری وابستگی مضبوط رہے گی۔ ہندوستانی وزیر کا مزید کہنا تھا کہ اگرسرحدوں کے آر پار دہشت گردی، انتہا پسندی اور علیحدگی پسندی ہو تو تجارت اوردیگر شعبوں میں تعاون کی حوصلہ افزائی کا امکان کم ہوتا ہے اور اگر دوستی میں کمی اور اچھی ہمسائیگی کہیں ناپید ہے تو وجوہات اور اسباب پرغور کرنے کی ضرورت ہے۔