پانچ ملزمین گرفتار، دو کی مجرمانہ تاریخ رہی ہے: ایس پی رانچی
جدید بھارت نیوز سروس
رانچی، 11 نومبر:۔ اسپیشل برانچ کے انسپکٹر انوپم کچھپ کو گزشتہ 2 اگست کی رات کانکے تھانہ علاقے کے رنگ روڈ پر واقع انڈیا ہوٹل کے قریب گولی مار کر ہلاک کر دیا گیا تھا۔ معاملے کی سنگینی کو دیکھتے ہوئے ایس ایس پی چندن سنہا کی ہدایت پر ایس آئی ٹی تشکیل دی گئی۔ اس معاملے میں کارروائی کرتے ہوئے ایس آئی ٹی ٹیم نے واقعہ کے تین ماہ بعد اس واقعہ میں ملوث پانچ ملزمین کو گرفتار کیا ہے۔ جس میں منوہر کمار سنگھ، سنجے کمار سنگھ، گوتم یادو، سوگریو سنگھ اور ابھیشیک مہتو شامل ہیں۔ سنجے سنگھ اور منوہر سنگھ کی سابقہ مجرمانہ تاریخ ہے۔ ان تمام ملزمین کا تعلق گاڑیوں سے تیل چوری کرنے والے گروہ سے تھا۔سوموار کو ایس ایس پی نے ایک پریس کانفرنس میں اس واقعہ کی جانکاری دی۔کیس کی تفتیش کے دوران پولیس ٹیم کو معلوم ہوا کہ انسپکٹر کے قتل کے بعد سے رنگ روڈ پر ہوٹلوں، ڈھابوں اور ویران جگہوں پر کھڑی بھاری گاڑیوں سے ڈیزل چوری مکمل طور پر بند ہے پولیس ٹیم کو شبہ ہے کہ یہ واقعہ ڈیزل چوری میں ملوث ہے۔ ڈیزل چوری کی وارداتوں میں ملوث چوروں اور ملوث گروہ کے ارکان سے تصدیق اور پوچھ گچھ کی گئی۔ سنجے سنگھ کو تصدیق کے دوران گرفتار کیا گیا۔سنجے سنگھ نے اپنے اعترافی بیان میں کہا کہ ڈیزل چوری کرنے والے گینگ کے ارکان بھولاسنگھ، سوگریو سنگھ، گوتم، راجیش مہتو، سنتوش گرو، گووند مہتو واردات کی رات بولیرو پک اپ گاڑی سے ڈیزل چوری کرنے سنگرام پور کے امر ہوٹل گئے تھے۔ ٹرک سے تیل چوری کرنے کے دوران برساتی (رین کوٹ ) پہنے ایک شخص (انسپکٹر) اپنی موٹر سائیکل پر کانکے سے BIT کی طرف جا رہا تھا۔ ان لوگوں کو دیکھ کر وہ رک گئے اور شور مچانے لگے کہ یہ ڈیزل چوری کر رہے ہیں۔ جس کی وجہ سے اس کا ڈیزل چوری کے ملزمین سے جھگڑا ہوا۔دریں اثناء دیگر جرائم پیشہ افراد کو اطلاع ملی کہ پولیس افسر ہونے کا دعویٰ کرنے والے ایک شخص نے ہمیں ڈیزل چوری کرتے دیکھا ہے۔ وہ ڈرنے لگے کہ ڈیزل چوری گینگ کا پردہ فاش ہو جائے گا، اس لیے ڈیزل چوری کرنے والے گروہ کے سنجے سنگھ، بھولاسنگھ اور راجیش مہتو نے مل کر انسپکٹر راجیش کچھپ کو پکڑ لیا۔ تینوں نے اپنے ہتھیاروں سے انوپم کچھپ کو چار گولیاں ماریں۔ جس کی وجہ سے انوپم کچھپ کی موقع پر ہی موت ہو گئی۔
