![](https://jadeedbharat.com/wp-content/uploads/2024/01/supreme_Court-ZZvLMH-750x450.jpeg)
نئی دہلی: مہاراشٹر اسمبلی اسپیکر راہل نارویکر کے فیصلے کے خلاف شیو سینا (یو بی ٹی) کے رہنما سنیل پربھو کی درخواست پر سپریم کورٹ پیر کو سماعت کرے گا۔ سنیل پربھو نے اپنی درخواست میں دعویٰ کیا ہے کہ وزیر اعلیٰ ایکناتھ شندے کی قیادت والا دھڑا ہی حقیقی شیو سینا ہے۔
بھارت جوڑو نیائے یاترا: ہم عوام کے مسائل کے لیے لڑتے ہیں، یہی یاترا کا مقصد ہے، راہل گاندھی
سپریم کورٹ کی ویب سائٹ پر شائع فہرست کے مطابق چیف جسٹس ڈی وائی چندر چوڑ، جسٹس جے بی پاردیوالا اور جسٹس منوج مشرا کی ڈویژن بنچ 22 جنوری کو اس کیس کی سماعت کرے گی۔
خیال رہے کہ سابق سی ایم ادھو ٹھاکرے کی قیادت والے شیو سینا کے دھڑے نے نارویکر کے 10 جنوری کے فیصلے پر سوال اٹھاتے ہوئے 15 جنوری کو عدالت عظمیٰ میں ایک عرضی دائر کی تھی، جس میں کہا گیا کہ سی ایم شندے کی قیادت والا دھڑا ہی حقیقی شیو سینا ہے کیونکہ اس کو اسمبلی میں اکثریت حاصل ہے۔
کیا ہندوستان عملاً ایک ہندو ملک بن چکا ہے؟
درخواست میں وزیر اعلیٰ شندے اور ان کے دھڑے کے دیگر ارکان اسمبلی کے خلاف دائر نااہلی کی درخواستوں کو خارج کرنے کو بھی چیلنج کیا گیا ہے۔
دریں اثنا، بامبے ہائی کورٹ نے بدھ کو 14 شیو سینا-یو بی ٹی ارکان اسمبلی اور دیگر کو نوٹس جاری کیا ہے، جو حکمراں شیو سینا کے چیف وہپ بھرت گوگاوالے کی طرف سے ٹھاکرے دھڑے کے ارکان اسمبلی کو نااہل قرار دینے کی درخواست پر دائر کی گئی ہے۔
ملک کی معاشی راجدھانی ممبئی میں پولیس کی زبردست قلت
جسٹس جی ایس کلکرنی اور جسٹس ایف پی پونے والا کی ڈویژن بنچ نے اس معاملے کی مزید سماعت 8 فروری کو مقرر کی ہے۔ 10 جنوری کے فیصلے میں اسپیکر نارویکر نے دونوں پارٹیوں کی درخواستوں کو مسترد کرتے ہوئے ٹھاکرے کے ارکان اسمبلی کو نااہل ہونے سے بچا لیا تھا۔
![Follow us on Google News](https://jadeedbharat.com/wp-content/uploads/2024/01/GoogleNews.png)