سابق وزرائے اعلیٰ فاروق عبداللہ اور عمر عبداللہ نے عمرہ ادا کیا، تصویریں منظر عام پر

سرینگر: جموں و کشمیر کے سابق وزرائے اعلیٰ فاروق عبداللہ اور عمر عبداللہ عمرہ کے لیے تشریف لے گئے ہیں جہاں سے انہوں نے سوشل میڈیا پر کعبۃ اللہ کے ساتھ اپنی تصویریں شیئر کی ہیں۔ گزشتہ کل (24 جنوری ) جب وہ عمرہ کے لیے روانہ ہوئے تھے تو اس وقت بھی انہوں نے ہوائی جہاز میں بیٹھے ہوئے تصویر شیئر کی تھی۔ اب جو تصویریں سامنے آئی ہیں ان میں وہ کعبہ کو چھوتے ہوئے اور سر منڈائے ہوئے بھی دکھائی دے رہے ہیں۔

میری کام کا اپنی سبکدوشی کی خبروں سے انکار، کہا ’میری باتوں کو توڑ مروڑ  کر پیش کیا گیا‘

May Almighty Allah accept my Umrah. pic.twitter.com/6bCmXi8I5d

— Omar Abdullah (@OmarAbdullah) January 25, 2024

عمرہ پر روانہ ہونے کے بعد شیئر کی گئی تصویر کے ساتھ عمر عبداللہ نے لکھا تھا ’’اے اللہ ہم عمرہ کا ارادہ رکھتے ہیں، اسے ہمارے لیے آسان فرما اور قبول فرما۔‘‘ اس تصویر میں عمر عبداللہ اور ان کے والد فاروق عبداللہ احرام پہنے ہوائی جہاز میں بیٹھے نظر آئے تھے۔ فاروق عبداللہ اور عمر عبداللہ نے یہ عمرہ عام انتخابات سے عین قبل ایسے وقت میں کیا ہے جب محض 2 روز قبل ہی ایودھیا میں پران پرتشٹھا کے حوالے سے مذہب کی بنیاد پر پورے ملک کو پولرائز کرنے کی کوشش کی گئی تھی۔ امید کی جا رہی ہے کہ دونوں ہی سابق وزرائے اعلیٰ نے ہندوستان میں امن و امان کے لیے بھی دعاء کی ہوگی۔

کیا ایودھیا میں نئی مسجد بن بھی سکے گی؟

Some of the glimpses of party president Dr. Farooq Abdullah and VP @OmarAbdullah while performing sacred rituals at Khana e Kabba. pic.twitter.com/5xEXqICDTl

— JKYNC (@YNCJK) January 25, 2024

فاروق عبد اللہ اور عمر عبداللہ سوشل میڈیا پر شیئر کی گئی تصویروں میں احرام باندھے ہوئے کعبۃ اللہ چھوتے اور اس کے سامنے کھڑ ے نظر آ رہے ہیں۔ تصویر میں انہیں سر منڈائے ہوئے بھی دیکھا جا سکتا ہے۔ جموں و کشمیر کے دونوں سابق وزرائے اعلیٰ نے اس موقع پر اللہ سے عمرہ کی قبولیت کی دعائیں بھی مانگیں۔