سابق رکن اسمبلی دلباغ سنگھ کے گھر سے غیر ملکی بندوقیں، سونے کی سلاخیں، شراب کے کارٹن اور دولت کا ذخیرہ برآمد
![](https://jadeedbharat.com/wp-content/uploads/2024/01/inld_mla-RTFgd5-750x450.jpeg)
نئی دہلی: انفورسمنٹ ڈائریکٹوریٹ (ای ڈی) نے غیر قانونی کان کنی سے متعلق منی لانڈرنگ کیس میں ہریانہ کی سیاسی جماعت آئی این ایل ڈی کے سابق رکن اسمبلی دلباغ سنگھ کے گھر پر تلاشی مہم چلائی۔ رپورٹ کے مطابق دلباغ سنگھ کے ٹھکانوں سے بھاری مقدار میں غیر قانونی اشیاء برآمد ہوئی ہیں۔
اے بی پی نیوز نے ای ڈی ذرائع کے حوالہ سے رپورٹ کیا کہ دلباغ سنگھ کے گھر سے بڑی مقدار میں غیر قانونی غیر ملکی ساختہ اسلحہ، 300 کارٹنوں میں غیر قانونی سامان، 100 سے زیادہ شراب کی بوتلیں، 5 کروڑ روپے نقد اور تقریباً چار سے پانچ کیلو سونا برآمد ہوا ہے۔ دلباغ سنگھ کے ٹھکانے سے بڑی مقدار میں جائیداد کے دستاویزات بھی ملے ہیں۔
رپورٹ کے مطابق، انفورسمنٹ ڈائریکٹوریٹ (ای ڈی) ہریانہ کے جمنا نگر ضلع میں مبینہ طور پر غیر قانونی کان کنی سے متعلق منی لانڈرنگ کیس کی تحقیقات کر رہی ہے۔ اس سلسلے میں جمعرات کو آئی این ایل ڈی کے سابق ایم ایل اے دلباغ سنگھ، بی جے پی لیڈر اور کرنال کے سابق ڈپٹی میئر منوج وادھوا اور ریاستی کانگریس ایم ایل اے سریندر پنوار کے گھروں پر چھاپے مارے گئے۔
Directorate of Enforcement (ED) recovered illegal foreign-made arms, more than 100 liquor bottles & 5 crore cash and other materials have been recovered including several properties in India & abroad from Dilbag Singh Ex-MLA & his associate’s premises: ED pic.twitter.com/dctSya8JEJ
— ANI (@ANI) January 5, 2024
ای ڈی حکام نے کہا کہ یہ پورا معاملہ غیر قانونی کانکنی سے جڑا ہوا ہے۔ منی لانڈرنگ کی روک تھام ایکٹ (پی ایم ایل اے) کی دفعات کے مطابق، ان لیڈروں اور ان سے جڑے 20 مقامات کی یمنا نگر، سونی پت، موہالی، فرید آباد، چنڈی گڑھ اور کرنال میں تلاشی لی گئی۔ منی لانڈرنگ کا معاملہ حال ہی میں جمنا نگر اور آس پاس کے اضلاع میں مبینہ غیر قانونی کانکنی کی تحقیقات کے لیے ہریانہ پولیس کی طرف سے درج کی گئی کئی ایف آئی آر کے بعد سامنے آیا ہے۔ الزام ہے کہ غیر قانونی کانکنی کے ذریعے بڑی مقدار میں سونا، چاندی اور دیگر دھاتوں کی خفیہ طور پر اسمگلنگ کی جارہی تھی، جس کے بعد ای ڈی نے چھاپہ ماری کی۔
![Follow us on Google News](https://jadeedbharat.com/wp-content/uploads/2024/01/GoogleNews.png)