International

غزہ میں زمینی کارروائی کے دوران ہمارے 15 اہلکار مارے گئے: اسرائیلی فوج

353views

ایک ایسے وقت میں جب اسرائیل نے غزہ میں اپنی زمینی کارروائی کا دائرہ وسیع کردیا ہے اسرائیلی فوج نے بدھ کو اعلان کیا کہ پٹی میں جاری لڑائیوں میں اس کے 15 فوجی مارے گئے ہیں۔ فوج کے ایک ترجمان نے بتایا کہ غزہ کی پٹی میں منگل سے جاری فوجی کارروائی میں 15 فوجی ہلاک ہو گئے ہیں۔

القسام بریگیڈز نے بدھ کو اعلان کیا کہ انہوں نے اسرائیل کے جنوب مغرب میں ’’ایرز‘‘ کے مغرب میں ایک اسرائیلی فٹ فورس کو حیران کن دھچکا دیا ہے۔ القسام نے ٹیلی گرام پر وضاحت کی کہ اس نے تین اسرائیلی فوجیوں کو صفر کے فاصلے سے مار ڈالا۔ القسام نے یہ بھی اطلاع دی کہ اس نے غزہ کے شمال مغرب میں ایک اسرائیلی کمانڈ سنٹر پر مارٹر گولوں سے بمباری کی۔ بعد میں اعلان کیا کہ اس نے شہریوں کے خلاف “قتل عام” کے جواب میں تل ابیب پر بمباری کی ہے۔ القسام بریگیڈز نے یہ بھی کہا کہ انہوں نے ابو مطیبق ملٹری سائٹ کے اندر حملہ کیا اور مرکزی مشاہداتی اور مواصلاتی ٹاور کو گرانے میں کامیاب رہے۔

القسام بریگیڈز نے پہلے اطلاع دی تھی کہ اس کے جنگجوؤں نے غزہ کی پٹی میں بیت حانون میں ایک عمارت کے اندر تعینات چار اسرائیلی گاڑیوں کو تباہ کر دیا اور پیادہ فوج کے ایک اہلکار کو ختم کردیا ہے۔ اسرائیل نے منگل کو جبالیہ کیمپ پر حملہ کیا تھا۔ اس حملے میں 400 سے زیادہ فلسطینی شہید اور زخمی ہوئے جن میں زیادہ تر خواتین اور بچے شامل تھے۔

واضح رہے 7 اکتوبر کو شروع ہونے والی لڑائی 26 ویں روز بھی جاری رہی۔ اس جنگ میں اب تک 8796 فلسطینی جاں بحق ہو چکے ہیں۔

Follow us on Google News
Jadeed Bharat
www.jadeedbharat.com – The site publishes reliable news from around the world to the public, the website presents timely news on politics, views, commentary, campus, business, sports, entertainment, technology and world news.