جدید بھارت نیوز سروس
رانچی 26 نومبر:بی جے پی کے ریاستی صدر اور سابق وزیر اعلیٰ بابولال مرانڈی آج برہیٹ کے دورے پر تھےیہاں انہوں نے برہیٹ کے بی جے پی امیدوار گمالین ہیمبرم، امام مرزا اور دیگر لوگوں سے ملاقات کی ، ان کے گھر پر جے ایم ایم کےحا میوں کے ذریعہ پتھراؤ کیا تھا۔ شری مرانڈی نے اس واقعہ کی سخت مذمت کی اور کہا کہ آج یوم دستور ہے۔ ہندوستان کا آئین جمہوریت کی حفاظتی ڈھال ہے لیکن کانگریس اور جے ایم ایم طاقت کے گھمنڈ میں جمہوریت کے محافظوں پر حملہ آور ہیں۔ انہوں نے کہا کہ امام مرزا کے گھر پر صرف اس لیے پتھراؤ کیا گیا کیونکہ انہوں نے بی جے پی کے امیدوار کے حق میں ووٹ دیا تھا، کہا کہ آنکھیں بند کر نے سے خطرہ ٹل نہیں جائے گا ، وہ دیکھنا پڑے گا جو نہیں دیکھا جا سکتا۔ انہوں نے کہا کہ لو جہاد اور لینڈ جہاد کے بعد اب جھارکھنڈ پتھر بازوں کی گرفت میں آ گیا ہے۔ حالات ایسے ہیں کہ پتھر برسائے جا رہے ہیں ، لاٹھیاں ماری جا رہی ہیں ، مکانات گرائے جا رہے ہیں ، ووٹ کی بنیاد پر لوگوں کو مارا پیٹا جا رہا ہے۔ اسی طرح کا ایک واقعہ ضلع صاحب گنج کے گاؤں محمد پور میں سامنے آیا ہے ، جہاں امام مرزا کو صرف اس لیے مارا پیٹا گیا ، دھمکیاں دی گئیں ، ذہنی طور پر تشدد کا نشانہ بنایا گیا کیونکہ اس نے بھارتیہ جنتا پارٹی میں اپنے اعتماد کا اظہار کیا تھا اور اپنا ووٹ کمل کے پھول پر ڈالاتھا۔ انہوں نے کہا کہ جیسے ہی نتائج کا اعلان ہوتا ہے، جے ایم ایم پارٹی کے غنڈے بی جے پی کے حمایت یافتہ کارکنوں اور ووٹروں کو پیٹ رہے ہیں ، انہیں گاؤں سے بے دخل کرنے کی دھمکیاں دے رہے ہیں اور کہہ رہے ہیں کہ وزیر اعلیٰ سے لے کر تھانہ انچارج تک سبھی ان کے ہاتھ میں ہیں۔ انہوں نے کہا کہ آج وزیر اعلیٰ کے علاقے میں لوگوں کو پورا راشن نہیں مل رہا ہے ، پینے کا پانی نہیں ہے۔ ابوآ آواس کے پیسے نہیں مل رہے۔ انہوں نے کہا کہ ملک کے عوام ہر 5 سال بعد اپنے نمائندوں کا انتخاب اپنے آئین میں دیئے گئے اختیارات کی وجہ سے کرتے ہیں۔ حق رائے دہی کا استعمال کرتے ہیں لیکن ہندوستانی اتحاد کو عوامی فکر سے کوئی سروکار نہیں، وہ صرف اقتدار کے مزے لوٹنا چاہتے ہیں۔ انہوں نے کہا کہ بی جے پی جمہوری حقوق اور آئین کے تحفظ کے لئے پرعزم ہے۔ انہوں نے کہا کہ بی جے پی جھارکھنڈ کی شناخت کو بچانے کے لیے ایک طویل لڑائی کے لیے تیار ہے۔
