دھنباد-دیوگھر سمیت پانچ سیٹیں جنرل ؛ صرف ہزاری باغ کے میئر کی سیٹ او بی سی کیلئے ریزرو
جدید بھارت نیوز سروس
رانچی، 25 نومبر:۔ ریاست میں آئندہ ہونے والے شہری انتخابات میں وارڈ پارسَد اور میئر کے عہدوں کی ریزرویشن نئی ترتیب کے مطابق ہوگی۔ اس بار وارڈ پارسَدوں کی ریزرویشن ایک بار پھر چکّر دار (سائکلک) بنیاد پر شروع کی جائے گی، جبکہ میئر، میونسپل کمیٹی اور میونسپل کونسل کے صدر کے عہدے چکّر دار ریزرویشن سے خارج رہیں گے۔
وارڈ کیلئے ریزرویشن کا فارمولا
- وارڈوں میں ریزرویشن کی ترتیب: پہلے ایس سی (SC)، پھر ایس ٹی (ST)، بی سی-1، بی سی-2 اور آخر میں جنرل کیٹیگری کے لیے۔
- میئر یا صدر کے عہدے کے لیے فارمولا: پہلے ایس ٹی، پھر ایس سی، بعد میں بی سی-1 اور بی سی-2، اور آخر میں جنرل کیٹیگری۔
ریاست کے نو میونسپل کارپوریشنز میں میئر عہدے کی ریزرویشن
رانچی اور آدتیہ پور: ایس ٹی کے لیے ریزرویشن
گریڈیہہ: ایس سی کے لیے ریزرویشن
ہزاری باغ: OBC کے لیے ریزرویشن
دیوگھر، دھنباد، چاس، میدنی نگر اور مانگو: غیر ریزرو (جنرل)
ریاستی حکومت نے اس سلسلے میں جھارکھنڈ میونسپل انتخابی قوانین میں ترمیم کی ہے اور بعد ازاں میونسپل ڈیولپمنٹ ڈیپارٹمنٹ نے نوٹیفیکیشن جاری کیا۔ حتمی فیصلہ اب ریاستی الیکشن کمیشن کرے گا۔
انتخابی تیاری میں مصروف الیکشن کمیشن
ریاستی شہری انتخابات کی تیاری مکمل کرنے کے لیے الیکشن کمیشن نے تمام اضلاع کو ہدایت دی ہے کہ وارڈز میں ریزرویشن کی کارروائی دسمبر 2025 تک مکمل کی جائے۔ ضلع سطح پر وارڈز کا ریزرویشن چکّر دار فارمولا کے مطابق کیا جائے گا۔
الیکشن کمیشن کے سکریٹری رادھے شیم پرساد کے مطابق، ہائی کورٹ کے ہدایت کے مطابق انتخابات مقررہ وقت پر کرائے جائیں گے۔ یہ پہلا الیکشن ہے جس میں وارڈز کی ریزرویشن کے لیے چکّر دار اصول نافذ کیا گیا، جبکہ صدر کے عہدوں کے لیے چکّر دار ریزرویشن ختم کر دیا گیا ہے۔
اہم ریزرویشن نکات - شہری علاقوں میں ریزرویشن کی زیادہ سے زیادہ حد 50%ہے، اسی لیے 9 میئر میں سے صرف 4 ریزرو ہیں۔
- ریاست کے میونسپل کارپوریشنز دو زمرہ جات میں تقسیم:
نکلاس ’A‘: 10 لاکھ یا زیادہ آبادی والے میونسپل کارپوریشن (رانچی، دھنباد)
کلاس’B‘: 10 لاکھ سے کم آبادی والے میونسپل کارپوریشن (آدتیہ پور، گریڈیہہ، ہزاری باغ، چاس، دیوگھر، میدنی نگر، مانگو)
اگر کسی وارڈ میں کسی مخصوص طبقے (SC/ST/OBC) کی آبادی 1%سے کم ہے تو اس کے لیے ریزرویشن نہیں ہوگا۔
