سنجے سیٹھ نےرضاکاروں سے بات چیت کر قوم کے تئیں ان کے عزم کی تعریف کی
جدید بھارت نیوز سروس
نئی دہلی؍رانچی، 11؍اگست: ملک بھر سے 2000 NCC کیڈٹس اور NSS رضاکار یوم آزادی (IDC-25) میں شرکت کے لیے نئی دہلی پہنچ گئے ہیں۔ لال قلعہ پہنچنے پر مرکزی وزیر مملکت برائے دفاع سنجے سیٹھ نے ان سے بات چیت کی۔ اس دوران لال قلعہ کا احاطہ بھارت ماتا کی جئے اور جئے ہند سے گونج اٹھا۔ مرکزی وزیر مملکت برائے دفاع سنجے سیٹھ نے این سی سی کیڈٹس اور این ایس ایس رضاکاروں سے بات چیت کی اور قوم کے تئیں ان کے عزم کی تعریف کی۔انہوں نے ان پر زور دیا کہ وہ وزیر اعظم نریندر مودی کے ترقی یافتہ ہندوستان 2047 کے ہدف کی طرف ملک کے نوجوانوں کے نمائندے کے طور پر کام کریں۔ ہر نوجوان کو اس مقصد کے لیے کام کرنے کی ترغیب دیں۔ اس موقع پر این سی سی کے ڈائریکٹر جنرل لیفٹیننٹ جنرل گربیر پال سنگھ، وزارت دفاع کے جوائنٹ سکریٹری امیتابھ پرساد اور مائی بھارت کی ڈائریکٹر محترمہ وندیتا پانڈے بھی موجود تھیں۔
