سیتا سورین نے میٹنگ میں شرکت نہیں کی
جدید بھارت نیوز سروس
رانچی، یکم دسمبر:۔ جھارکھنڈ اسمبلی انتخابات 2024 میں بی جے پی کی عبرتناک شکست کے بعد ہفتہ کو شروع ہونے والی ریاستی بھارتیہ جنتا پارٹی کی جائزہ میٹنگ اتوار کو بھی جاری ہے۔ جھارکھنڈ ریاست بھارتیہ جنتا پارٹی کے دفتر میں منعقد ہونے والی اس جائزہ میٹنگ میں ریاستی تنظیم کے انچارج، ضلع صدر اور ریاستی ترجمانوں کے ساتھ جائزہ میٹنگ کی جا رہی ہے۔ اس جائزہ میٹنگ میں بی جے پی کے ریاستی صدر بابولال مرانڈی، قومی تنظیم کے جنرل سکریٹری بی ایل سنتوش، جھارکھنڈ کے انچارج لکشمی کانت واجپئی، علاقائی تنظیم کے جنرل سکریٹری ناگیندر ترپاٹھی، ریاستی تنظیم کے جنرل سکریٹری کرماویر سنگھ اور کارگزار صدر رویندر رائے موجود ہیں۔
شکست کا قومی سطح پر بھی جائزہ لیا جائے گا
جھارکھنڈ اسمبلی انتخابات میں پارٹی کی کراری شکست کے بعد ریاستی قیادت ان وجوہات کا پتہ لگانے کے لیے ریاستی سطح پر جائزہ لینے میں لگی ہوئی ہے جن کی وجہ سے پارٹی جیت نہیں پائی۔ جیتنے اور ہارے ہوئے امیدواروں، اسمبلی وار انچارجوں، ضلع صدور، میڈیا ونگ سے وابستہ پارٹی عہدیداروں کے ساتھ انتخابی نتائج کا جائزہ لینے کے بعد دہلی میں قومی سطح پر جائزہ لینے کا امکان ہے۔
ایک ساتھ چار میٹنگ
سنیچر کو ایک ساتھ چار اجلاس ہوئے۔ جس میں الیکشن مینجمنٹ کمیٹی، ضلعی انچارج اور ضلعی صدر کے اجلاس شامل تھے۔ پارٹی ذرائع سے موصولہ اطلاع کے مطابق اسمبلی انتخابات میں کراری شکست کے بعد ریاستی سطح پر تنظیم میں ردوبدل ہونے کا قوی امکان ہے۔ ذرائع کے مطابق جھارکھنڈ بی جے پی کے ریاستی صدر سے لے کر تنظیم جنرل سکریٹری، ضلع صدر اور کئی اضلاع کے انچارج کو بھی تبدیل کیا جا سکتا ہے۔
سیتا سورین میٹنگ میں نظر نیں آئیں
اتوار کو منعقدہ جائزہ اجلاس کے بارے میں ایم ایل اے راج سنہا نے کہا کہ کسی بھی سیاسی پارٹی کے لیے انتخابات کے بعد کا جائزہ بہت اہم ہے۔ یہ اجلاس اس لیے منعقد کیا جا رہا ہے تاکہ ہم اپنی کوتاہیوں کو دور کر سکیں اور آنے والے دنوں میں عوام کی مضبوط آواز بن سکیں۔ سیتا سورین کے شکست خوردہ امیدواروں کی جائزہ میٹنگ میں شرکت نہ کرنے کے سوال پر ایم ایل اے راج سنہا نے کہا کہ مجھے اس کا علم نہیں ہے۔
