جدید بھارت نیوز سروس
مدھو پور،۶؍ فروری: بی جے پی مدھوپور سٹی یونٹ کی میٹنگ شہر کے سیتارام ڈالمیا روڈ پر واقع ایک پرائیویٹ رہائشی کمپلیکس میں سٹی صدر روی راوانی کی صدارت میں منعقد ہوئی۔ اس میٹنگ میں ممبر سازی مہم میں زیادہ سے زیادہ لوگوں کو شامل کرنے کا ہدف مقرر کیا گیا تھا ،جس میں ہر ایک کو مختلف ذمہ داریاں سونپی گئی ہیں ۔اس کے علاوہ پورے مدھو پور اسمبلی میں ممبر سازی مہم چلانے کا فیصلہ کیا گیا اور شہری علاقے میں پارٹی کی پوزیشن کو مزید بہتر بنانے کے لیے موجودہ عہدیداروں کے ساتھ تبادلہ خیال کیا گیا۔ اس موقع پر ضلع صدر سچن روانی نے کارکنوں سے کہا کہ تمام کارکنان تنظیم کے اس عظیم تہوار ممبر سازی مہم میں اپنی ذمہ داری کو نبھاتے ہوئے ہر بوتھ پر پہنچیں۔ اس مہم کے تحت سماج کے ہر طبقے کو پارٹی سے جوڑنا چاہئے ۔اس موقع پر موجود تمام پارٹی عہدیداروں میں ضلع نائب صدر پپو یادو، ضلع جنرل سکریٹری سنتوش اپادھیائے، سٹی نائب صدر راکیش ورما، کسان مورچہ کے صدر مدن یادو، موتی سنگھ، ستیانارائن راوانی، سنجے راوانی، گوپی برمن، امیتابھ رندھو، امیتابھ، رندھو، کریندر سنگھ، اکشے، بٹو گپتا اور دیگر موجود تھے۔
