پٹنہ رورل/میٹروپولیٹن کی جانب سے ’’کارکن شکریہ تقریب و رکنیت سازی مہم‘‘ کا انعقاد

پٹنہ، 31 دسمبر: جے ڈی (یو) کے ریاستی دفتر میں واقع کرپوری آڈیٹوریم میں پٹنہ رورل/میٹروپولیٹن کی جانب سے ’’کارکن شکریہ تقریب و رکنیت سازی مہم (28-2025)‘‘ کا انعقاد کیا گیا۔ اس موقع پر این ڈی اے کی تاریخی جیت میں اہم کردار ادا کرنے والے کارکنوں کو ‘انگ وستر ‘ پیش کر کے ان کی عزت افزائی کی گئی اور ان کا شکریہ ادا کیا گیا۔ ساتھ ہی، رکنیت سازی مہم کو تاریخی اور کامیاب بنانے کے لیے ضروری ہدایات بھی دی گئیں۔اس موقع پر مہمانِ خصوصی کے طور پر پارٹی کے معزز ریاستی صدر و ایم ایل اے امیش سنگھ کشواہا اور حکومتِ بہار کے معزز وزیر شرون کمار موجود تھے۔ پروگرام کی صدارت پٹنہ رورل کے صدر اشوک کمار سنگھ نے کی، جبکہ نظامت کے فرائض پٹنہ میٹروپولیٹن کے صدر جناب آصف کمال نے انجام دیے۔پروگرام سے خطاب کرتے ہوئے امیش سنگھ کشواہا نے کہا کہ جے ڈی (یو) کارکنوں کی انتھک محنت، لگن اور وفاداری کی بدولت ہی پٹنہ رورل/میٹروپولیٹن میں این ڈی اے اتحاد کی تاریخی جیت یقینی ہوئی ہے۔ اس فتح میں کارکنوں کے گراں قدر تعاون اور ان کے پسینے کی ہر بوند کو میں سلام کرتا ہوں۔ جب بھی مخالفین نے ہمارے لیڈر اور ہماری پارٹی کے سیاسی مستقبل کے بارے میں بے بنیاد باتیں کی ہیں، تب بہار کے عوام نے مینڈیٹ کے ذریعے یہ واضح پیغام دیا ہے کہ جے ڈی (یو) کارکنوں کے خون پسینے سے سینچی ہوئی اور نتیش کمار کے اقدار میں ڈھلی ہوئی پارٹی ہے۔ ہمارے لیڈر اور ہماری پارٹی کا نہ کوئی متبادل تھا، نہ ہے اور نہ کبھی ہوگا۔انہوں نے کہا کہ رکنیت سازی مہم 28-2025 کے تحت پارٹی نے ایک کروڑ سے زائد ممبران بنانے کا ہدف مقرر کیا ہے۔ اس ہدف کو مقررہ وقت میں حاصل کرنے کے لیے پارٹی کے ہر ایک کارکن کو فعال کردار ادا کرنا ہے۔ جس طرح کارکنوں نے دن رات محنت کر کے اسمبلی انتخابات میں تاریخ رقم کی، اسی طرح اس بار رکنیت سازی مہم میں بھی نئی تاریخ رقم کرنے کا عزم کرنا ہے۔شرون کمار نے کہا کہ پارٹی کارکنوں نے انتخابات میں پوری مستعدی، وفاداری اور لگن کے ساتھ کام کیا، جس کا نتیجہ ہے کہ این ڈی اے کو شاندار فتح حاصل ہوئی۔ جے ڈی (یو) کارکنوں کی ایمانداری اور محنت کا کوئی ثانی نہیں ہے۔ انہی کارکنوں کے دم پر نتیش کمار گزشتہ بیس سالوں سے بہار کی باگ ڈور سنبھال رہے ہیں۔ انہوں نے کہا کہ نتیش حکومت بہار کو ملک کی پہلی پانچ ریاستوں میں شامل کرنے کے لیے مکمل طور پر پرعزم ہے۔شیام رجک نے کہا کہ کارکن ہی جے ڈی (یو) کی سب سے بڑی طاقت ہیں اور این ڈی اے کی تاریخی جیت میں ان کا کردار بے مثال رہا ہے۔ انہوں نے کہا کہ معزز نتیش کمار نے اپنے بیس سالہ دورِ اقتدار میں بہار کی تصویر اور تقدیر بدلنے کا کام کیا ہے۔ آنے والے پانچ سال ترقی یافتہ بہار کی تعمیر میں فیصلہ کن ثابت ہوں گے۔
نیرج کمار نے کہا کہ جے ڈی (یو) بابائے قوم باپو، ڈاکٹر امبیڈکر، کرپوری ٹھاکر، لوک نائک جے پی اور ڈاکٹر لوہیا کے نظریات اور اصولوں پر مبنی پارٹی ہے۔ انہی اصولوں کے مطابق پارٹی کا ہر کارکن عوامی خدمت میں مصروف ہے۔ انہوں نے کہا کہ ہر کارکن کو اپنے لیڈر نتیش کمار اور اپنی پارٹی جے ڈی (یو) پر فخر ہونا چاہیے۔پروگرام میں بنیادی طور پر معزز ایم ایل اے و اسمبلی وہپ ارون مانجھی، قومی ترجمان راجیو رنجن پرساد، ہیڈ کوارٹر انچارج انیل کمار، ریاستی ترجمان نہورا پرساد یادو، ارون کمار سنگھ، واسودیو کشواہا، پٹنہ ضلع انچارج منورنجن گری، لیبر اینڈ ٹیکنیکل سیل کے ریاستی صدر رام چرتر پرساد، یوتھ سیل کے ریاستی صدر نتیش پٹیل، لیگل سیل کے ورکنگ اسٹیٹ صدر پریا رنجن پٹیل، ریاستی جنرل سکریٹری چھوٹو سنگھ، نند کشور کشواہا، ونود کمار سنگھ، پرتیبھا سنگھ، ہولیش مانجھی، رینوکا کشواہا، سوریندر گوپ، دھرمیندر چندرونشی، رادھے شیام کشواہا، دھیرج کشواہا سمیت کئی قائدین موجود تھے۔