پورنیہ، 12 مارچ (یو این آئی) : بہار کے وزیر اعلی نتیش کمار جمعرات کو افسران کو ہدایت دی کہ سات نِشچَے-3 کے تحت جو منصوبے مقرر کیے گئے ہیں، ان پر بہتر انداز میں کام شروع کیا جائے۔وزیر اعلیٰ نتیش کمار نے آج اپنی سمردھی یاترا کے سلسلے میں پورنیہ کے اندرا گاندھی اسٹیڈیم میں ضلع سے متعلق ترقیاتی اور فلاحی منصوبوں کا جائزہ لیا۔ اس دوران انہوں نے پرگتی یاترا کے موقع پر اعلان کیے گئے مختلف منصوبوں کے نفاذ کے بارے میں افسران سے معلومات حاصل کیں۔جائزہ میٹنگ کے دوران پورنیہ کے ضلع مجسٹریٹ انشل کمار نے پرگتی یاترا سے متعلق منصوبوں، سات نِشچَے-2 اور سات نِشچَے-3 کی اسکیموں کے نفاذ کے بارے میں پریزنٹیشن کے ذریعے وزیر اعلیٰ کو تفصیلی معلومات فراہم کیں۔ ضلع مجسٹریٹ نے ضلع میں جاری دیگر ترقیاتی کاموں کے بارے میں بھی آگاہ کیا۔
جائزہ کے دوران وزیر اعلیٰ نے ہدایت دی کہ پرگتی یاترا سے متعلق جن منصوبوں کو منظوری دی جا چکی ہے، ان پر تیزی سے عمل درآمد کیا جائے۔ انہوں نے کہا کہ سات نِشچَے-2 کے تحت چل رہی اسکیموں کو بھی بہتر انداز میں نافذ کیا جائے۔ ساتھ ہی انہوں نے ہدایت دی کہ سات نِشچَے-3 کے تحت مقرر منصوبوں پر مؤثر طریقے سے کام شروع کیا جائے۔وزیر اعلیٰ نتیش کمار نے کہا کہ 20 نومبر 2025 کو ریاست میں نئی حکومت کے قیام کے چند ہی دن بعد ریاست کو ملک کی سب سے زیادہ ترقی یافتہ ریاستوں کی صف میں شامل کرنے کے مقصد سے سات نِشچَے-3 کے پروگرام نافذ کیے گئے۔ انہوں نے بتایا کہ اس کے ساتویں عہد “سب کا سمان، جیون آسان” کا بنیادی مقصد ریاست کے تمام شہریوں کی روزمرہ زندگی میں آنے والی مشکلات کو کم کرنا اور ان کی زندگی کو مزید آسان بنانا ہے۔ اس سمت میں حکومت مسلسل کام کر رہی ہے۔انہوں نے کہا کہ حکومت کا بنیادی مقصد یہ ہے کہ ہر شخص کو عزت ملے اور اس کی زندگی گزارنا آسان ہو۔
نتیش کمار نے سات نِشچَے-3 کے تحت طے شدہ منصوبوں پر بہتر طریقے سے کام کرنے کی ہدایت دی
