افغانستان: راجدھانی کابل کے بھیڑ بھاڑ والے علاقہ میں بس کے اندر دھماکہ، 2 افراد کی موت، کئی زخمی

افغانستان کی راجدھانی کابل میں ایک بار پھر دھماکہ ہوا ہے۔ اس بار دھماکہ بس میں ہوا ہے جس کی وجہ سے دو لوگوں کی موت ہو گئی ہے اور کئی دیگر افراد کے زخمی ہونے کی بھی اطلاع ہے۔ میڈیا رپورٹس کے مطابق کابل کے مغربی علاقہ واقع دشتِ بارچی علاقہ میں یہ بس دھماکہ ہوا۔ اندیشہ ظاہر کیا جا رہا ہے کہ بس میں بم دھماکہ ہوا ہے جس کی خبر ملتے ہی پولیس جائے حادثہ پر پہنچ گئی۔ اس معاملے کی تحقیقات بھی شروع ہو گئی ہے۔ کچھ خبروں میں بتایا جا رہا ہے کہ زخمیوں کی تعداد 14 ہے۔

#BreakingNews
An explosion struck a passenger bus in the Dasht-e-Barchi area of western #Kabul, #Afghanistan.

– The Coaster was in the densely populated neighborhood at the time of the blast.

– There has been no comments from Taliban officials on the incident.

– No details… pic.twitter.com/tk2W43gHTt

— Eagle Eye (@zarrar_11PK) January 6, 2024

کابل پولیس کے ترجمان خالد زدران نے ’دی خراسان ڈائری‘ سے بات کرتے ہوئے اس دھماکہ کے بارے میں تصدیق کی ہے۔ بتایا جا رہا ہے کہ دھماکہ کے وقت بس میں کئی لوگ بیٹھے ہوئے تھے۔ حادثہ کے بارے میں طالبان انتظامیہ کی طرف سے فی الحال کچھ نہیں کہا گیا ہے۔ مقامی میڈیا میں نشر ہو رہی خبروں کے مطابق کوسٹر ماڈل کی شکل میں پہچانی جانے والی بس جس میں دھماکہ ہوا، وہ بھیڑ بھاڑ والے علاقہ میں تھی جب یہ حادثہ پیش آیا۔