![](https://jadeedbharat.com/wp-content/uploads/2024/01/Rajashtan_Cabinet-ZG8n4z-750x450.jpeg)
سری گنگا نگر کی کرن پور اسمبلی سیٹ سے کراری شکست کے بعد بی جے پی کے وزیر سریندرپال سنگھ ٹی ٹی نے وزیر کے عہدے سے استعفیٰ دے دیا ہے۔ راجپال کلراج مشرا نے ان کا استعفیٰ قبول کر لیا ہے۔ انتخابات سے پہلے کانگریس نے بی جے پی اور سریندر پال سنگھ ٹی ٹی کو وزیر کے طور پر حلف لینے پر نشانہ بنایا تھا۔
بی جے پی نے زرعی مارکیٹنگ ڈپارٹمنٹ، زرعی آبپاشی ایریا ڈیولپمنٹ اینڈ واٹر یوٹیلیٹی ڈپارٹمنٹ، اندرا گاندھی نہری محکمہ، اقلیتی امور اور محکمہ وقف کی ذمہ داری سریندر پال سنگھ ٹی ٹی کو سونپی تھی۔ انہوں نے 30 دسمبر کو بطور وزیر حلف اٹھایا تھا لیکن اب جب انہیں انتخابات میں شکست کا سامنا کرنا پڑا تو انہوں نے وزیر کے عہدے سے استعفیٰ دے دیا ہے۔
دراصل، کرن پور اسمبلی سیٹ کا نتیجہ کل اعلان ہوا تھا۔ یہ سیٹ ایک بار پھر کانگریس کے پاس چلی گئی جہاں سے اس کے امیدوار روپندر سنگھ کونڑ نے کامیابی حاصل کی۔اس سیٹ پر فاتح اور رنر اپ کے علاوہ صرف عام آدمی پارٹی کے امیدوار پیرتھی پال سنگھ کو ایک ہزار سے زیادہ ووٹ ملے ہیں۔ سنگھ کو 11940 ووٹ ملے۔ اس کے علاوہ 1034 ووٹ ‘NOTA’ کے کھاتے میں گئے۔
![Follow us on Google News](https://jadeedbharat.com/wp-content/uploads/2024/01/GoogleNews.png)