قومی راجدھانی دہلی کے بوانا انڈسٹریل ایریا میں ایک فیکٹری میں زبردست آگ لگنے کی اطلاع ہے۔ آگ لگنے کی اطلاع ملنے کے فوراً بعد دہلی فائر سروس نے 25 فائر ٹینڈرز کو موقع پر بھیجا۔ سیکیورٹی کے لیے مقامی پولیس اسٹیشن بھی موقع پر موجود ہے۔ اب آگ پر قابو پا لیا گیا ہے ۔ فی الحال آگ کی وجہ سے کسی جانی نقصان کی کوئی اطلاع نہیں ہے۔
#WATCH दिल्ली: अग्निशमन अधिकारी रामगोपाल मीना ने बताया, “रात करीब 1:30 बजे हमें फोन आया… आग पर काबू पाने के लिए मौके पर दमकल की कुल 25 गाड़ियां मौजूद थीं… भारी नुकसान हुआ है लेकिन किसी के हताहत होने की आशंका नहीं है… आग पर काबू पा लिया गया है…” https://t.co/GIYHLIxXI5 pic.twitter.com/EOO8OlCT8r
— ANI_HindiNews (@AHindinews) January 3, 2024
معلومات کے مطابق آتشزدگی کے واقعہ کے بعد آس پاس کے لوگوں میں خوف و ہراس کا ماحول ہے۔ آگ کے شعلے دیکھ کر لوگ خوف زدہ ہو گئے تھے۔ آگ لگنے کی وجہ تاحال معلوم نہیں ہو سکی ہے۔ خبر رساں ایجنسی اے این آئی کی طرف سے جاری ویڈیو سے واضح ہے کہ بوانا میں واقع فیکٹری میں زبردست آگ لگی ہے۔ شعلے بھیانک ہیں۔ آگ اتنی شدید ہے کہ فائر سروس ڈیپارٹمنٹ نے آگ پر قابو پانے کے لیے فائر بریگیڈ کی 25 گاڑیاں روانہ کر دی ہیں۔ دیگر اسٹیشنوں سے بھی فائر ٹینڈرز کو موقع پر بھیج دیا گیا ہے۔
نیوز پورٹل ’اے بی پی ‘ پر شائع خبر کے مطابق دہلی فائر سروس ڈپارٹمنٹ کے فائر آفیسر رام گوپال مینا نے بوانا میں آگ کے خوفناک واقعہ کے بارے میں بتایا کہ آگ کا یہ واقعہ کل رات 1.30 بجے پیش آیا۔ فائر ڈیپارٹمنٹ کو فون کال کے ذریعے یہ اطلاع ملی۔ آگ پر قابو پانے کے لیے 25 فائر ٹینڈر موقع پر موجود تھے۔ آتشزدگی کے واقعہ سے بڑا نقصان ہوا ہے۔ ابھی تک کسی جانی نقصان کی اطلاع نہیں ہے۔ اب آگ پر قابو پا لیا گیا ہے۔ انہوں نے کہا کہ فائر سروس ڈیپارٹمنٹ کی ایک ٹیم آگ لگنے کی وجہ کی تحقیقات کر رہی ہے۔
