یونان: ’وزارت میں بم رکھا ہوا ہے…‘، نامعلوم شخص کا فون آنے کے بعد ہوا زوردار دھماکہ، تفتیش شروع
یونان کے وسط ایتھنز شہر میں ہفتہ کی صبح وزارت محنت کے باہر زوردار دھماکہ ہوا ہے جس کے بعد علاقے میں افرا تفری کا ماحول ہے۔ حالانکہ اس دھماکہ میں کسی ہلاکت کی خبر نہیں ہے کیونکہ دھماکہ کی خبر پہلے ہی مل چکی تھی اور علاقے کی گھیرا بندی کر لی گئی تھی۔ حالانکہ دھماکہ میں عمارت کو شدید نقصان پہنچا ہے۔
مہاراشٹر: شندے حکومت نے لڑکیوں کو دیا انتخابی تحفہ، خاص زمرہ کی طالبات کے لیے ایجوکیشن فیس معاف
یونان کی پولیس نے دھماکے کی جانکاری دیتے ہوئے بتایا کہ ایک اخبار کو نامعلوم شخص نے فون کر وزارت میں بم رکھے ہونے کی جانکاری دی تھی اور یہ بھی کہا تھا کہ اس نے پولیس کو اس کی جانکاری دے دی ہے۔ فون آنے کے بعد علاقے میں گھیرا بندی کی گئی۔ اس دھماکہ میں عمارت کو نقصان پہنچا ہے اور کھڑکیاں بھی ٹوٹ گئی ہیں۔
ایک پولیس افسر نے نام ظاہر نہ کرنے کی شرط پر بتایا کہ فون کرنے والے نامعلوم شخص نے حملہ کے پیچھے گوریلا گروپ کا ہاتھ بتایا ہے۔ حالانکہ پولیس اس معاملے کی تلاش میں مصروف ہو گئی ہے اور جاننے کی کوشش کر رہی ہے کہ دھماکہ کس نے کیا ہے۔
پھندے سے لٹکی ملی خاتون جج جیوتسنا رائے کی لاش، جائے وقوع سے خودکشی نوٹ برآمد
واضح رہے کہ یونان میں سیاسی تشدد کی ایک قدیم تاریخ رہی ہے۔ دھماکہ اور آگ زنی کے واقعات اکثر پیش آتے رہے ہیں۔ حالانکہ چھوٹے دھماکہ خیز مادے زیادہ نقصان نہیں پہنچاتے ہیں۔ حالیہ حادثہ سنگین ہے اور حکومت اس سے فکر مند ہے۔ سرکاری ترجمان پاولوس مارینکس نے ہفتہ کو اوپن ٹی وی براڈکاسٹر کو بتایا کہ حملہ انتہائی تشویشناک ہے اور اس کا تعلق سنگین جرم سے ہے۔
