رانچی میں مہنگائی کے خلاف کانگریس کا شدید احتجاج، وزیر اعظم مودی کا پتلا نذر آتش

“عوام کو کھوکھلی باتیں نہیں، ٹھوس حل چاہیے”؛ بڑھتی مہنگائی پر کیشو مہتو کملیش کا وزیر اعظم پر وار

جدید بھارت نیوز سروس
رانچی ، 16؍ مئی: پردیش کانگریس صدر کیشو مہتو کملیش کی قیادت میں سی این جی، پٹرول، ڈیزل، دودھ اور دہی کی قیمتوں میں اضافے کے خلاف منعقدہ پتلا نذرِ آتش کرنے کے پروگرام کے بعد، پردیش کانگریس صدر کیشو مہتو کملیش نے وزیر اعظم پر الزام لگاتے ہوئے کہا کہ جب ملک میں بحران کا آغاز ہوا تھا تب پوری مرکزی حکومت پانچ ریاستوں کے انتخابی پرچار میں مصروف تھی اور آج جب عوام کو راحت کی ضرورت ہے تو وزیر اعظم نریندر مودی غیر ملکی دورے پر ہیں۔ برسوں سے منافع کما رہی تیل کمپنیوں کے معمولی نقصان سے وزیر اعظم پریشان ہو رہے ہیں لیکن 140 کروڑ عوام کی پریشانی انہیں دکھائی نہیں دے رہی ہے۔ انہوں نے کہا کہ ملک میں تھوک مہنگائی کی شرح 42 مہینوں کی بلند ترین سطح3.8 فیصد پر پہنچ گئی ہے، روزمرہ کے استعمال کی اشیاء کی قیمتوں میں مسلسل اضافہ ہو رہا ہے، عام لوگوں کے گھر اور باورچی خانے کا بجٹ بگڑ گیا ہے لیکن وزیر اعظم ان سب سے بے خبر ہیں۔ ملک کی عوام نے جن کے ہاتھوں میں اقتدار سونپا، آج ان کی طرف التجا بھری نظروں سے دیکھ رہی ہے۔ ملک کی معیشت کی ریڑھ کی ہڈی چرچرا گئی ہے، ناکام اقتصادی اور خارجہ پالیسی صاف دکھائی دے رہی ہے، حکومت کی پالیسیوں کی وجہ سے ملک میں ایسے حالات پیدا ہوتے ہیں۔ مرکزی حکومت “پیاس لگنے پر کنواں کھودنے” کی پالیسی پر کام کر رہی ہے۔ جب عوام کو راحت سے بھرپور اعلانات کی ضرورت ہے، تب مودی جی عوام کو سونا نہ خریدنے، بیرون ملک نہ جانے اور کسانوں کو یوریا کا استعمال کم کرنے کا مشورہ دے رہے ہیں۔ مودی حکومت کے وزراء اور ان کے نقشِ قدم پر چلنے والے لیڈران سائیکل، بس، میٹرو اور ای-رکشہ سے چلنے کا دکھاوا کر رہے ہیں۔ عوام کو ٹھوس حل چاہیے، جھوٹی اور کھوکھلی باتیں نہیں؛ راحت چاہیے، مشورہ نہیں۔
پروگرام میں خاص طور پر قانون ساز پارٹی کے ڈپٹی لیڈر راجیش کچھپ، نمن وکسل کونگاڑی، سوریش بیٹھا، سابق پردیش صدر راجیش ٹھاکر، شہزادہ انور، رویندر سنگھ، سنجے لال پاسوان، راکیش سنہا، جے پرکاش گپتا، آلوک کمار دوبے، لال کشور ناتھ شاہدیو، سونال شانتی، ابھیلاش ساہو، پریم پرکاش ناتھ شاہدیو، کمار راجا، سومناتھ منڈا، شیو کمار بھگت، ششی بھوشن رائے، نرنجن پاسوان، راجن ورما، کمل ٹھاکر، ریاض انصاری، کیدار پاسوان، امریندر سنگھ، آدتیہ وکرم جائسوال، سورین رام، شکیل انصاری، جگدیش ساہو، ببلو شکلا، سنیل سنگھ، کامیشور گری، نیتو دیوی، میری ترکی، ارچنا مشرا، گورو سنگھ، ارچنا مردھا، ارون ساہو، گوری شنکر، مدن مہتو، منیش کمار سمیت سینکڑوں لوگ موجود تھے۔