لوک پرہری این جی او کی عرضی پر عدالت نے حکومت اور الیکشن کمیشن سے جواب طلب کیا
نئی دہلی، 12 جنوری:۔ (ایجنسی) سپریم کورٹ نے پارلیمنٹ کے ذریعہ منظور کردہ اس قانون کی درستگی کا جائزہ لینے پر رضامندی ظاہر کی ہے، جو چیف الیکشن کمشنر اور الیکشن کمشنرز کو تاحیات مقدمہ سے استثنیٰ دیتا ہے۔ عدالت نے کہا کہ وہ یہ دیکھے گی کہ کیا صدر جمہوریہ یا گورنر کو نہ ملنے والی یہ رعایت چیف الیکشن کمشنر اور الیکشن کمشنرز کو دی جا سکتی ہے۔این جی او لوک پرہری کی عرضی اور نوٹس
سپریم کورٹ نے این جی او ’لوک پرہری‘ کی عرضی پر مرکز اور الیکشن کمیشن کو نوٹس جاری کیا ہے اور چار ہفتے میں جواب طلب کیا ہے۔ یہ سماعت چیف جسٹس آئی سوریہ کانت کی صدارت والی بنچ میں ہوئی۔ واضح رہے کہ این جی او نے اپنی عرضی میں کہا ہے کہ چیف الیکشن کمشنر اور الیکشن کمشنرز کو دی گئی یہ رعایت غیر مناسب اور متوازن نہیں ہے۔
قانون کی تفصیل اور سابقہ مخالفت
مودی حکومت نے 2023 میں یہ قانون پارلیمنٹ کے دونوں ایوانوں سے منظور کرایا تھا۔ قانون کے مطابق کوئی بھی عدالت سرکاری ڈیوٹی کے دوران کیے گئے فیصلوں یا بیانات کے لیے چیف الیکشن کمشنر اور الیکشن کمشنرز کے خلاف ایف آئی آر یا مقدمہ درج نہیں کر سکتی۔ یہ تحفظ موجودہ اور سابق دونوں کمشنرز پر لاگو ہوتا ہے، یعنی عہدہ پر رہنے اور ریٹائر ہونے کے بعد بھی مقدمہ درج نہیں کیا جا سکتا۔ اس قانون کو سپریم کورٹ کے ایک فیصلے کے بعد ہی متعارف کرایا گیا تھا۔
مخالفت اور عدالت میں سماعت
این جی او لوک پرہری نے دلیل دی ہے کہ عہدہ پر رہتے ہوئے کوئی غلط کام کرنے کے بعد بھی مقدمہ نہ ہونا متوازن نہیں ہے اور اس کا جائزہ ضروری ہے۔ اسی معاملے پر سپریم کورٹ نے نوٹس جاری کیا ہے، جس میں حکومت اور الیکشن کمیشن سے جواب طلب کیا گیا ہے۔ کانگریس پارٹی نے بھی پارلیمنٹ میں اس قانون کی مخالفت کی تھی۔
اب سب کی نظریں عدالت اور حکومت پر مرکوز
اب دیکھنا یہ ہے کہ نوٹس کے بعد حکومت اس معاملے میں قانون کی حفاظت کیسے کرتی ہے اور الیکشن کمیشن اس پر کیا جواب دیتا ہے۔ اس کیس کی سماعت اور اس کے نتائج سب کی نظریں عدالت اور حکومت کی جانب مرکوز رکھے ہوئے ہیں۔
