حلب میں شامی فوج اور کرد فورسز میں جھڑپیں

دمشق، 23 دسمبر (یو این آئی) حلب میں شامی فوج اور کرد زیر قیادت ایس ڈی ایف کے درمیان جھڑپیں شروع ہو گئیں۔شامی فوج اور کرد زیرقیادت سیریئن ڈیموکریٹک فورسز (ایس ڈی ایف) کے درمیان حلب میں جھڑپوں کے بعد متعد زخمی ہونے کی اطلاع ملی ہے کیونکہ ایس ڈی ایف کو شام کے ریاستی اداروں میں ضم کرنے کی ڈیڈ لائن ختم ہو رہی ہے۔شام کی سرکاری خبر رساں ایجنسی سانا کے مطابق ایس ڈی ایف نے حلب میں شیہان اور لیرمون چوراہے کے قریب شامی سکیورٹی فورس کے ٹھکانوں پر حملے شروع کر دیے ہیں۔خبر رساں ایجنسی نے کہا کہ غازیانتپ-حلب سڑک کو لیرمون اور شیہان کے چوراہے کی سمت سے بند کر دیا گیا ہے جہاں ایس ڈی ایف نے فورسز کو نشانہ بنایا ہے۔”سیریئن سول ڈیفنس نے کہا کہ اس کے دو ریسکیورز اس وقت زخمی ہوئے جب وہ گاڑی میں سفر کر رہے تھے اس پر ایس ڈی ایف کی طرف سے فائرنگ کی گئی، جب کہ شیہان اسکوائر پر ایس ڈی ایف کی گولیوں کی وجہ سے دو بچے بھی زخمی ہوئے۔سانا کی طرف سے شیئر کیے گئے ایک بیان میں، شام کی وزارت داخلہ نے یہ بھی اطلاع دی ہے کہ دو سیکورٹی اہلکار زخمی ہوئے ہیں جسے وزارت نے ملک کی سیکورٹی فورسز کے خلاف “غدار” ایس ڈی ایف حملہ قرار دیا ہے۔