پاکستان نے بھارت کو ہرا کر پہلی بار انڈر19 ایشیاء کپ جیت لیا

دبئی21 دسمبر (یو این آئی ) پاکستان کی انڈر 19 ٹیم نے ایشیا کپ کے فائنل میں روایتی حریف ہندوستان کو یکطرفہ مقابلے کے بعد 191 رنز کے بھاری مارجن سے شکست دے کر خطاب اپنے نام کر لیا۔ سمیر منہاس کی ریکارڈ ساز اننگز اور علی رضا کی تباہ کن بالنگ کے سامنے ہندوستانی ٹیم مکمل طور پر بے بس نظر آئی۔348 رنز کے پہاڑ جیسے ہدف کے تعاقب میں ہندوستانی ٹیم شروع سے ہی دباؤ کا شکار رہی۔ اوپنر اور کپتان آیوش مہاترے محض 2 رنز بنا کر آؤٹ ہوئے، جس کے بعد وکٹیں گرنے کا ایسا سلسلہ شروع ہوا کہ رکنے کا نام نہ لیا۔ ویبھیو سوریہ ونشی 10 گیندوں پر 26 رنز بنا کر کچھ مزاحمت دکھائی لیکن جلد ہی پویلین لوٹ گئے۔ایرن جارج16 رنز پر ہمت ہار گئے۔ دیپیش دیویندرن آخری لمحات میں 36 رنز کی اننگز کھیل کر شکست کا فرق کم کرنے کی کوشش کی، لیکن وہ بھی علی رضا کا شکار بن گئے۔پوری ہندوستانی ٹیم 26.2 اوورز میں محض 156 رنز پر ڈھیر ہو گئی اور پاکستان نے ایشیا کا نیا چیمپئن بننے کا اعزاز حاصل کر لیا۔پاکستان کی جانب سے علی رضا نے شاندار بالنگ کا مظاہرہ کرتے ہوئے 4 ہندوستانی کھلاڑیوں کو آؤٹ کیا۔ ان کا بھرپور ساتھ دیتے ہوئے محمد صیام، حذیفہ احسن اور عبدالسبحان نے دو دو وکٹیں حاصل کیں۔اس سے قبل پاکستان نے ٹاس ہارنے کے بعد پہلے بیٹنگ کرتے ہوئے مقررہ 50 اوورز میں 8 وکٹوں پر 347 رنز بنائے۔میچ کے ہیرو رہے جنہوں نے 113 گیندوں پر 172 رنز کی طوفانی اننگز کھیلی۔ ان کی اننگز میں 17 چوکے اور 9 چھکے شامل تھے۔احمد حسین نے 56 رنز بنا کر سمیر کا بھرپور ساتھ دیا اور 137 رنز کی شراکت قائم کی۔عثمان خان 35 رنز بنا کر نمایاں رہے۔ ہندوستان کی جانب سے دیپیش دیویندرن نے 3 وکٹیں حاصل کیں، لیکن وہ پاکستانی بلے بازوں کو ایک بڑا مجموعہ بنانے سے نہ روک سکے۔خیال رہے کہ ہندوستان نے دوسرے سیمی فائنل میں سری لنکا کو ہرا کر فائنل کے لیے کوالیفائی کیا تھا جب کہ پاکستانی انڈر 19 ٹیم نے سیمی فائنل میں پاکستان نے دفاعی چیمپئن بنگلہ دیش کو 8 وکٹوں سے شکست دے کر فائنل میں جگہ بنائی تھی۔یہ پاکستان کا پہلا انڈر19۔ایشیا کپ خطاب ہے۔