اقوامِ متحدہ کے ڈبلیو ایف پی کو 250 لاکھ یورو کا تعاون دیا
ماسکو، 12 دسمبر (یواین آئی)یورپی یونین نے افغانستان میں غذائی سلامتی کو بہتر بنانے کے لیے اقوامِ متحدہ کے خوراک سے متعلق عالمی ادارہ (ڈبلیو ایف پی) کو 250 لاکھ یورو (تقریباً 293 ڈالر) فراہم کیے ہیں۔ افغانستان میں یورپی یونین کی چارج ڈی افیئرز ویرونیکا بوسکووِک-پوہر نے یہ اطلاع دی۔’ایرِیانا نیوز‘ پورٹل نے جمعرات کو بوسکووِک-پوہر کے حوالے سے کہا کہ ’’ڈبلیو ایف پی کے لیے یورپی یونین کا نیا تعاون افغانستان کے عوام—بالخصوص خواتین، بچوں اور کمزور مقامی برادریوں کے لیے ہماری مضبوط وابستگی کا ثبوت ہے۔ زرعی اور غذائی ویلیو چین کو اس طرح تیار کیا جانا چاہیے کہ وہ افغان عوام کی غذائی ضروریات، صحت اور معاشی پائیداری کو مضبوط کر سکے۔آب و ہوا کی لچک کے لیے ہم اپنے جامع نقطۂ نظر کے ذریعے کمزور دیہی برادریوں کی قدرتی آفات اور آب و ہوا کی تبدیلی کے طویل المدت، خطرناک اثرات سے اپنے روزگار اور آمدنی کو محفوظ رکھنے میں بھی مدد کررہے ہیں۔رپورٹ میں کہا گیا ہے کہ یہ مالی تعاون ڈبلیو ایف پی کی اُن کوششوں کو بھی مضبوط کرے گا جن کا مقصد خوراک کی ترسیل کی سپلائی چین کو بہتر بنانا اور آب و ہوا کی تبدیلی کے مطابق ڈھلنے میں مدد فراہم کرنا ہے۔رپورٹ میں کہا گیا ہے کہ خصوصی منصوبوں میں سیلاب سے بچاؤ کے لیے حفاظتی دیواروں اور آبپاشی کے نظام جیسے بنیادی ڈھانچے کو جدید بنانا، آب و ہوا کی تبدیلی کے خطرات کو کم کرنا اور مقامی اقتصادی استحکام کے لیے ضروری پیداواری اثاثوں کی حفاظت شامل ہے۔رپورٹ میں یہ بھی کہا گیا ہے کہ سرمایہ کاری کا ایک بڑا حصہ ڈبلیو ایف پی کے اسکول فنڈنگ پروگرام کو مضبوط بنانے اور خواتین کی تنظیموں اور نوجوان کاروباری افراد کو اس قابل بنانے کی تربیت پر خرچ کیا جائے گا کہ وہ اسکولی بچوں کو تازہ غذائی راشن فراہم کر سکیں۔
