Dharmendra, the ‘He Man’ of the film industry, is no more.
بالی ووڈ سے ایک انتہائی افسوسناک خبر سامنے آئی ہے۔ ہندی فلم انڈسٹری کے ایک تجربہ کار اداکار اور “ہی-مین” کے نام سے جانے جانے والے دھرمیندر کا 89 سال کی عمر میں انتقال ہو گیا ہے۔ ان کے انتقال سے نہ صرف ان کا خاندان بلکہ فلمی شائقین اور ہندوستانی سنیما گہرے سوگ میں ڈوب گیا ہے۔
پون ہنس شمشان گھاٹ میں آخری رسوم
دھرمیندر کی صحت کچھ عرصے سے مسلسل گر رہی تھی اور وہ عمر سے متعلق کئی مسائل سے لڑ رہے تھے۔ چند روز قبل انہیں ممبئی کے بریچ کینڈی اسپتال میں داخل کرایا گیا تھا جہاں ان کی حالت خراب ہونے پر ان کے اہل خانہ مسلسل ان کے ساتھ تھے۔ بعد میں انہیں گھر لے جایا گیا، جہاں ان کا علاج جاری تھا۔
دھرمیندر کی آخری رسومات پون ہنس کے شمشان گھاٹ میں ادا کی جا رہی ہیں۔ ان کا پورا نام دھرمیندر کیول کرشن دیول تھا اور وہ 8 دسمبر 1935 کو پنجاب کے گاؤں ناصرانی میں پیدا ہوئے۔ ایک چھوٹے سے گاؤں سے ہندوستانی سنیما کے سب سے بڑے ستاروں میں سے ایک بننے تک ان کا سفرکسی افسانہ سے کم نہیں ہے۔
فلم انڈسٹری میں سوگ کی لہر
دھرمیندر کے انتقال کی خبر پھیلتے ہی فلم انڈسٹری سوگ میں ڈوب گئی۔ ان کے پرستار، ساتھی اداکار اور دوست غم میں ہیں ۔ان کے انتقال پر سوشل میڈیا تعزیت کی ہزاروں پوسٹوںسے اٹ گئی ہے ۔
مداحوں، مشہور شخصیات اور فلم سازوں نے انہیں خراج تحسین پیش کیا۔ ہر ایک کے پیغام میں ایک ہی جذبات کی بازگشت ہے: دھرمیندر کا انتقال ایک عہد کا خاتمہ ہے ۔ ان کی مسکراتی تصویریں، ان کی طاقتور آواز، ان کا کرشمہ اور سادگی سب یادوں میں ہی رہ جائے گا۔ بہت سے لوگ یہ ماننے کو تیار نہیں ہیں کہ بالی ووڈ کا ’’ہی مین‘‘ اب ہمارے ساتھ نہیں رہا۔
