بھگوان برسا منڈا کی جدوجہد صرف تاریخ نہیں بلکہ جھارکھنڈ کی روح ہے:کے راجو
جدید بھارت نیو زسروس
رانچی،15؍ نومبر: جھارکھنڈ پردیش کانگریس کمیٹی کی طرف سے دھرتی آبا بھگوان برسا منڈا کے 150ویں یوم پیدائش اور جھارکھنڈ کے یوم تاسیس کی 25ویں سالگرہ کے موقع پرجھارکھنڈ کانگریس کے انچارج کے راجو اور ریاستی صدر نے منعقدہ خراج تحسین کے پروگرام میں حصہ لیا۔پروگرام کا آغاز کوکر میں بھگوان برسا منڈا کی سمادھی پر پھول چڑھانے اور انہیں خراج عقیدت پیش کرنے سے ہوا۔ انچارج کے راجو اور ریاستی صدر نے دھرتی ابا کی یاد میں ایک لمحے کی خاموشی اختیار کی اور انہیں خراج عقیدت پیش کیا۔اس کے بعد وفدرام پور بازار، نامکم گیا، جہاں بھگوان برسا منڈا کے مجسمہ پر گلپویشی کی۔ اہل علاقہ کی کثیر تعداد موجود تھی۔ گلپوشی کی تقریب کے بعد اجتماع سے خطاب کرتے ہوئے انچارج کے راجو نے کہاکہ “جھارکھنڈ کے قیام کا بنیادی مقصد قبائلی برادری کے آئینی حقوق – پانی، جنگل اور زمین کا تحفظ اور احترام کرنا تھا۔ کانگریس پارٹی اور گرینڈ الائنس نے CNT-SPT، PESA ایکٹ، اور فاریسٹ رائٹس ایکٹ جیسی دفعات کے ذریعے قبائلی برادری کی شناخت اور حقوق کا تحفظ کیا ہے۔ دھرتی آبا بھگوان برسا منڈا کی جدوجہد صرف تاریخ نہیں بلکہ جھارکھنڈ کی روح ہے۔ انہوں نے کہا، “جھارکھنڈ کا 25 سالہ سفر یہ ظاہر کرتا ہے کہ یہ ریاست تبھی ترقی کرے گی جب فیصلہ سازی کے عمل میں قبائلی برادری کی برابر کی شرکت ہوگی۔مقامی لوگوں کا پانی، جنگل اور زمین کا بنیادی حق ہے اور کانگریس اس حق کے لیے لڑتی رہے گی۔ خواتین کو بااختیار بنانے کا ذکر کرتے ہوئے انہوں نے کہاکہ “قبائلی خواتین نے ہمیشہ معاشرے کی تشکیل کی ہے۔ کانگریس پارٹی تعلیم، صحت، سلامتی اور اقتصادی مواقع کے ذریعے خواتین کو بااختیار بنانے کے لیے پرعزم ہے۔” ریاستی صدر کیشو مہتو کملیش نے کہاکہ “دھرتی آبا کا نظریہ ہماری تنظیم کی روح ہے۔ جھارکھنڈ کی عزت تب ہی محفوظ رہے گی جب ہم ان کی جدوجہد اور اقدار کو نچلی سطح پر نافذ کریں گے۔ریاستی کانگریس ہر قبائلی خاندان کی آواز بنے گی اور ان کے حقوق کے تحفظ کے لیے مسلسل جدوجہد کرے گی۔
شریک انچارج ڈاکٹر شری بیلا پرساد نے کہاکہ “برسا منڈا کی یوم پیدائش ہمیں انصاف اور جدوجہد کی روایت کی یاد دلاتا ہے جس نے پورے ملک کو تشکیل دیا ہے۔آج، یوم تاسیس پر، ہمیں ایک مساوی، حساس اور حقوق کا احترام کرنے والے جھارکھنڈ کے لیے متحد ہونا چاہیے۔” پروگرام میں لیجسلیچر پارٹی کے لیڈر پردیپ یادو، ڈپٹی لیڈر راجیش کچھپ، راجیش ٹھاکر، سبودھ کانت سہائے، ڈاکٹر پرکاش، رویندر سنگھ، راجیو رنجن پرساد، راکیش سنہا،ستیش پال منجنی، امول نیرج کھلکھو، گجیندر سنگھ، کیدار پاسوان، شانتنو مشرا ،لال کشور ناتھ شاہ دیو، ڈاکٹر راکیش کرن مہتو ،کمار راجہ، ڈاکٹر توصیف، ضلع صدر، سومناتھ منڈا، شہباز احمد، مادھو کشیپ کے علاوہ دیگر لوگ موجود تھے۔
