آسنسول میں بھی وشو بانگلا شارد سمان کی تقسیم

ضلع مجسٹریٹ کے ہاتھوں 12پوجاکمیٹیوں کو اعزاز

آسنسول ۔پوری ریاست کے مختلف علاقوں کے ساتھ ساتھ آسنسول میں بھی وشو بانگلا شارد سمان کی تقسیم کی گئی۔ آسنسول میں ضلع مجسٹریٹ کے ہاتھوں 12پوجاکمیٹیوں کو اعزاز دیا گیا ۔ اس موقع پر خطاب کرتے ہوئے ضلع مجسٹریٹ ایس پونہ بلم(ائی اے ایس) کہا کہ ریاستی حکومت کی جانب سے مختلف منفرد پوجا کمیٹیوں کو یہ اعزاز دیا جاتا ہے اور جن پوجا کمیٹی کی جانب سے اعزاز کے حصول کے لیے درخواست دی جاتی ہے ان میں سے ضلع سطح پر 12 کمیٹیوں کو اعزاز دیا جاتا ہے۔ ضلع مجسٹریٹ نے اعتراف کیا کہ اگر ان کے بس میں رہتا تو وہ تمام درخواست کنندگان کو اعزاز دیتے ہیں اس لیے کہ اس بات جو ٹیم پنڈالوں اور مورتیوں کا اور تھیم کا معائنہ کرنے گئی تھی ، اسے بڑی دشواریوں کا سامنا کرنا پڑا مقابلہ اتنا سخت تھا کہ پوری کمیٹی انگشت بہ دنداں تھی کہ کسی اعزاز دیا جائے۔ بہرحال کافی غور فکر کے بعد ضلع کی 12 پوجا کمیٹیوں کو منتخب کیا گیا اور ان کو اعزاز دیا جا رہا ہے۔ اعزاز میں نقد رقم کے علاوہ مومنٹو اور مٹھائیاں شامل ہیں۔