غزہ میں تباہی اور فلسطینیوں کی بے بسی کا تمسخراڑاتے اسرائیلی فوجیوں کی نئی ویڈیو

شمال سے جنوب تک غزہ کی پٹی پر مسلسل اسرائیلی بمباری کے نتیجے میں ہر سو تباہی اور بربادی کے مناظر ہیں جب کہ خون خوار اسرائیلی فوجی اس تباہی کو دیکھ کر اس سے لطف اٹھاتے اور بربادی کو انجوائے کرنے کی اشتعال انگیز حرکتیں کرتے دیکھے جا سکتے ہیں۔

سوشل میڈیا پر ایسے کئی مناظر وائرل ہو رہے ہیں جن میں صہیونی فوجیوں کو غزہ کے تباہ شدہ مکانوں کے ملبے کے اوپر کھلکھلا کر ہنسے اور تباہی پر طنزاور تمسخر کرتے دیکھا جا سکتا ہے۔ گویا یہ تباہی صہیونی فوج کی طرف سےان کے لیے تفریح طبع کا سامنا مہیا کر رہی ہے جب کہ ملبے کے نیچے نہتے اور معصوم شہریوں کی لاشیں تک نہیں نکالی جا سکیں

North Gaza |

Yepp, we are dealing with psychopaths

Israeli soldiers riding stolen bicycles from Palestinian homes they destroyed. pic.twitter.com/8MZoYqRRDR

— Younis Tirawi | يونس (@ytirawi) December 3, 2023

ملبے میں جھومتے صہیونی فوجی

متعدد اسرائیلی فوجیوں کو غزہ میں ملبے درمیان سائیکلوں پر سوار دیکھا جا سکتا ہے۔ یہ سائیکل ان فلسطینی بچوں کے ہوسکتے ہیں جن کے مکانات ملبے کا ڈھیر بن چکے ہیں جب کہ مکانوں کے بار ٹوٹی پھوٹی سائیکلیں دیکھی جا سکتی ہیں۔

سوشل میڈیا پر ان مناظرنے غم وغصے کی ایک نئی لہر دوڑا دی ہے۔ سوشل میڈیا پلیٹ فارمز پر پوسٹ کی گئی اس ویڈیو پر صارفین کی طرف سے شدید رد عمل سامنے آیا ہے۔ ایک صارف نے لکھا کہ قابض فوجی ایک فلسطینی لڑکے کی سائیکل پر ہو کر انجوائے کررہا ہے، ہوسکتا ہے کہ اس کا مالک اسرائیلی بمباری میں مارا جا چکا ہے اور اسرائیلی قابض فوجی اس کے سائیکل پر تفریح کرتے ہوئے تباہی سے لطف اندوز ہو کر وحشت اور بربریت کا ثبوت پیش کررہا ہے۔

بعض صارفین نے اس ویڈیو پر طنز کرتے ہوئے کہا کہ یہ کیسے فوجی ہیں جو فلسطینی بچوں سےان کی سائیکلیں چھین کر ان پر جنگ لڑر ہے ہیں۔

"Dedicating this explosion to my daughter Ella for her birthday"
"Major Moshe Grunberg from the 271st Combat Engineering Battalion dedicated the demolition of an entire building in Gaza yesterday, shortly before ceasefire, to his daughter Ella's 2-year birthday. MazelTov🫶🎉🇮🇱😄" pic.twitter.com/3o06SjG5gw

— 🗣️📢 𝕗𝕣𝕖𝕖 𓂆 𝕡𝕒𝕝𝕖𝕤𝕥𝕚𝕟𝕖 (@ronnie_barkan) November 25, 2023

غزہ میں خونریز جنگ شروع ہونے کے بعد سے اشتعال انگیز قرار دیے گئے بہت سے مناظر سوشل میڈیا پر پھیل رہے ہیں جن میں صہیونی فوجیوں کو فلسطینیوں کی بے بسی کا مذاق اڑاتے دیکھا جا سکتا ہے۔

تقریباً دو ہفتے قبل نشر ہونے والے ایک گانے نے فلسطینی پٹی میں ہر کسی کو ختم کرنے کا مطالبہ بھی کیا تھا۔ اس گیت پر بڑے پیمانے پر ہنگامہ برپا ہوگیا کیونکہ یہ اسرائیلی براڈکاسٹنگ کارپوریشن کی طرف سے نشر کیا گیا تھا تاہم بہت زیادہ احتجاج کے بعد اسرائیلی براڈ کاسٹنگ کاروپوریشن نے اسے حذف کردیا تھا۔