کولکاتا: مغربی بنگال کے ڈائریکٹر جنرل آف پولیس منوج مالویہ کا فرضی سوشل میڈیا اکاؤنٹ بنا کر لوگوں کو دھوکہ دینے کی کوشش کرنے کے الزام میں راجستھان سے ایک شخص کو گرفتار کیا گیا ہے رپورٹ کے مطابق ملزم کو راجستھان میں کولاٹا کے بدھان نگر علاقہ سے گرفتار کیا گیا۔ ذرائع نے اتوار کو یہ اطلاع دی۔
ملزم کی شناخت راجستھان کے الور ضلع کے رہنے والے ریشم خان کے طور پر کی گئی۔ ذرائع نے بتایا کہ ڈی جی پی کا فرضی سوشل میڈیا پروفائل سب سے پہلے بیدھا نگر سٹی پولیس نے دیکھا۔ پروفائل کا تفصیلی جائزہ لینے کے بعد اس کی صداقت پر شک ہوا۔ اس لیے ڈی جی پی کے دفتر سے رابطہ کیا گیا اور انہوں نے تصدیق کی کہ پروفائل فرضی ہے۔
بدھان نگر سٹی پولیس کے ایک ذریعہ نے کہا، “ہم نے راجستھان سے اس پروفائل کو چلانے والے مجرم کا سراغ لگایا۔ ہمارے لوگوں کی ایک ٹیم راجستھان گئی، اسے گرفتار کیا اور ٹرانزٹ ریمانڈ پر کولکاتا واپس لایا گیا۔‘‘ پوچھ گچھ کے دوران اس نے اعتراف کیا کہ اس نے لوگوں کو دھوکہ دینے اور پیسہ کمانے کے ارادے سے ریاستی پولیس کے ڈی جی پی کی فرضی پروفائل تیار کی تھی۔
اس نے یہ بھی اعتراف کیا کہ اگرچہ اس نے اس جعلی پروفائل کے ذریعے کچھ لوگوں کو پیسے کے لیے ذاتی پیغامات بھیجے تھے لیکن کیرالہ اور کرناٹک میں چند لوگوں کے علاوہ شاید ہی کسی نے ان پیغامات کا مثبت جواب دیا۔ ملزم ریاضی میں گریجویٹ ہے۔ تفتیشی افسران کو شک ہے کہ وہ اس کھیل میں اکیلا نہیں ہے اور شاید وہ کسی بڑے ریکیٹ کا حصہ ہے جو لوگوں کو اسی طرح سے دھوکہ دیتا ہے۔
