جدید بھارت نیوز سروس
دھنباد، 24 جولائی: دھنباد کے بینک موڑ تھانہ علاقہ کے تحت واسع پور میںمنگل کی رات دیر گئے کلالی باغان علاقہ کے رہنے والے محمد افضل انصاری کے گھر کی پارکنگ میں نامعلوم مجرموں نے بم پھینک دیا۔اس معاملے میں متاثرہ نے بدھ کو بینک موڑ تھانے میں ایف آئی آر درج کرائی۔ جس میں اس نے الزام لگایا کہ ریاض عرف راجو کلال، راجو جھاڑی اور ناٹو قریشی جو کہ واسع پور اور رحمت گنج کے رہائشی ہیں، نے اس سے 5 لاکھ روپے بھتہ طلب کیا تھا۔بھتے کی رقم نہ دینے پر ملزمان نے گھر کے باہر بم پھینکا اور دھمکیاں دیں۔ معاملے کی سنگینی کو دیکھتے ہوئے ایس ایس پی دھنباد کی ہدایت پر ایک خصوصی ٹیم تشکیل دی گئی۔ یہ جانکاری سٹی ایس پی رتویک سریواستو نے جمعرات کو ایک پریس کانفرنس کے دوران دی۔انہوں نے بتایا کہ ڈپٹی سپرنٹنڈنٹ آف پولیس کی قیادت میں کی گئی کارروائی میں دو ملزمین راجو جھاڑی اور ناٹو قریشی کو گرفتار کیا گیا۔پوچھ گچھ کے دوران دونوں ملزمان نے اعتراف جرم کرتے ہوئے کہا کہ وہ شکایت کنندہ کی جانب سے اپنے ایک دوست کے خلاف درج مقدمہ سے ناراض تھے۔انہوں نے اس کیس کو واپس لینے کے لیے دباؤ ڈالنے کی دھمکی کے طور پر بم دھماکے کیے تھے۔گرفتاری کے دوران، پولیس نے ملزم کے قبضے سے پانچ کاٹن بم، پان مسالہ کے پانچ ٹن بکس اور سفید پلاسٹک میں کاغذ میں لپٹی ایک بارود نما مادہ برآمد کیا۔برآمد شدہ تمام مواد کو سیل کر کے ضبط کر لیا گیا ہے۔ پولیس اب مفرور مرکزی ملزم ریاض عرف راجو کلال کی تلاش میں ہے۔
پولیس نے واسع پور میں بم دھماکے کے دو ملزمان کو گرفتار کرلیا
