جرمنی مہینوں میں جوہری ہتھیار بنا سکتا ہے: رافائل گروسی

’آئی اے ای اے ‘کے سربراہ کا انتباہ، یورپ کے لیے عدم پھیلاؤ معاہدے پر عمل ضروری قرار

پو لینڈ 10 جو لا ئی (ایجنسی) بین الاقوامی ایٹمی توانائی ایجنسی کے ڈائریکٹر جنرل رافیل گروسی نے کہا ہے کہ جرمنی کے پاس ایسے تمام وسائل اور تکنیکی صلاحیت موجود ہے کہ وہ چند مہینوں میں جوہری ہتھیار تیار کر سکتا ہے۔پولینڈ کے روزنامہ ’رزیچپوسپولیتا‘ کو دیے گئے انٹرویو میں گروسی نے کہا کہ "جرمنی کو جوہری ہتھیار بنانے کے لیے زیادہ وقت درکار نہیں ہو گا۔ وہ یہ کام مہینوں میں کر سکتا ہے"۔انہوں نے مزید وضاحت کی کہ "جرمنی کے پاس ضروری جوہری مواد اور مطلوبہ ٹیکنالوجی موجود ہے اور اسے یہ سب کچھ کرنا آتا ہے"۔اگرچہ گروسی نے اس امکان کو "فرضی قیاس آرائی" قرار دیا، تاہم انہوں نے اسے سنجیدگی سے لینے پر زور دیا۔یورپ کے مفاد میں جوہری عدم پھیلاؤ معاہدہرافیل گروسی نے کہا کہ جوہری ہتھیاروں کے عدم پھیلاؤ سے متعلق عالمی معاہدے پر عمل درآمد یورپی ممالک کے اپنے مفاد میں ہے۔ان کا کہنا تھا کہ "بین الاقوامی تعلقات میں کوئی بھی ملک، بالخصوص طاقتور ریاستیں، قربانی یا ایثار کے اصول پر نہیں بلکہ اپنے مفاد کی بنیاد پر فیصلے کرتی ہیں"۔انہوں نے واضح کیا کہ "یورپی ممالک اس نتیجے پر پہنچ چکے ہیں کہ اگر دنیا میں ہر ملک کو جوہری ہتھیار حاصل کرنے کی اجازت دی گئی، تو یہ انسانیت کو تباہی کی طرف لے جائے گا"۔جرمن پارلیمنٹ میں جوہری تحفظ پر بحثیاد رہے کہ جون 2025 میں جرمن پارلیمان بُنڈسٹاگ میں مسیحی جمہوری اور سماجی اتحاد کے رہنما ینس شبان نے کہا تھا کہ جرمنی میں تعینات امریکی جوہری ہتھیار روس کو روکنے کے لیے ناکافی ہیں۔ ان کے بہ قول "جرمنی یا یورپی یونین کو چاہیے کہ وہ فرانس یا برطانیہ کے جوہری ذخائر تک رسائی حاصل کرے"۔